Foliga fiafia o le ‘au a Kuiniselani na faia le mea atoa i taaloga sa faia i Adelaide na filofilo ai tamaiti Samoa e to’a 8 - Photo: Kolisi Leota

Foliga fiafia o le ‘au a Kuiniselani na faia le mea atoa i taaloga sa faia i Adelaide na filofilo ai tamaiti Samoa e to’a 8 – Photo: Kolisi Leota

O le lakapi ua tele ina manuia ma tamaoaiga ai nisi o alo ma tamafanau a Samoa e pei ona silafia. O nisi matua e seāseā maua ni taimi e faimalaga solo ai peitai ua avea lava taaloga a fanau ua maua ai nei avanoa e femalagaa’i solo ai. O le tali foi lea o le tautiga o nai mātua, pe afai ae taunuu i le sini ma manuia alo ma fanau e ala i le filifilia i ‘au tetele e le gata o le Manu Samoa, ‘au a Niu Sila, Ausetalia, pe piki foi i ‘au a isi atunuu i ni konekarate.

O le ala tonu lea e lē faalogologotigā  ai le tele o mātua auā e iai le aso e tauia ma fua mai ai nei galuega fitā. Ae o le  masii ese atu o se faigamalaga ae tapua’ia, e mautinoa foi le toe taliu manuia i aiga, nuu ma alalafaga faatasi ma se ‘ai ma se oso o le tapuaiga.

O se vaiaso sili ona tāua i nisi o tuaa Samoa ma aiga na faaavanoa taimi ma mālōlō mai galuega ae malaga atu i Adelaide, (South Australia) ona o le tapuaia o taaloga lakapi liki a le fanau.

 Nisi o tamaiti Samoa sa fili mai ‘au a aoga a Kuiniselani mo le aufilifilia o le taamilosaga sa faia i Adelaide lea na faamanuiaina uma latou taaloga - Photo: Kolisi Leota

Nisi o tamaiti Samoa sa fili mai ‘au a aoga a Kuiniselani mo le aufilifilia o le taamilosaga sa faia i Adelaide lea na faamanuiaina uma latou taaloga – Photo: Kolisi Leota

Na amata mai le taamilosaga i le Aso Sa 12 o Aokuso ae faaiuina i le Aso Toonai 18 o Aokuso, toe  taliu mai i fanua i le taeao o le Aso Sa ua tuanai 19 o Aokuso.

O le malae taalo ale Victoria Park i Adelaide sa faataunuuina ai lea taamilosaga, ma na molimauina e le au malaga a Kuiniselani le faatumulia o vaega uma o le malae. E toavalu  alo Samoa na filifilia mai ‘au a A’oga eseese na tauaveina le ‘au lea a Kuiniselani (Queensland Under 12).

O i latou nei e aofia ai Benjamin Uini –  Wavell State Hight School;  David Leota – Forest Lake State High School;  Dominic Punivalu – Groves Christian College;  Isaac Togia – Ipswich Grammar College; Oliva Smith – St Peter Claver College; Lehopoame Leota – Iona College;  Evanda Tofilau – Alexandra Hill State High School ma Motootua Kia – Chatswood Hills State School.

O ‘au sa auai i le taamilosaga : Queensland; New South Wales; NSW Invitational; Victoria; Western Australia; Northern Territory ma Southern Australia

O le uluai taaloga na taaalo ai ma manumalo ai Kuiniselani e 22  ae 0 NSW. O le taaloga lona lua na manumalo foi Kuiniselani e 30 ae leai se ai o NSWI. Na toe taaalo Kuiniselani ma Victoria manumalo foi Kuiniselani i le 36 ae 6 Victoria.

Se vaega o le autapua’i a QLD matua o tamaiti sagisagi fiafia ua manuia taumafaiga a fanau na malaga atu ai

Se vaega o le autapua’i a QLD matua o tamaiti sagisagi fiafia ua manuia taumafaiga a fanau na malaga atu ai

O le Aotelega

Q/final 

Queensland – 58

Northern Territory- 0

S/Final

Queensland- 34

Victoria- 0

G/final

Queensland- 38

NSW Invitational- 6

Na ta’ua e Kolisi Leota le tuaa o le alii o David Leota mai Forest Lake State High School, o se nofoaga toafilemu auā e ui ina tetele le malulu peitai na faatupulaia ai le malosi ma le lototetele o tamaiti taaalo a Kuiniselani.

Na toe taliu mai ma le manuia ma le talita o le manumalo auā na ta’u e Queensland Under 12 le sa’o ma polepole malie nai ‘au a isi setete.

Ua alo nei le ‘au e sami le latou talita o le manumalo ma faafoi ai pea le viiga o le Matai ona o se taaloga na taumate i le ‘ete se iuga ao lea ua faamanuiaina.