Siamupini le Ao Atua i le taamilosaga Kirikiti a le Teuila

[et_pb_section fb_built=”1″ _builder_version=”4.3.2″][et_pb_row _builder_version=”4.3.2″][et_pb_column _builder_version=”4.3.2″ type=”4_4″][et_pb_image src=”https://www.samoatimes.co.nz/wp-content/uploads/2020/03/Untitled-8.jpg” _builder_version=”4.3.2″ hover_enabled=”0″][/et_pb_image][et_pb_text _builder_version=”4.3.2″ hover_enabled=”0″]

Ua sola le ‘au malosi o le Ao Atua ma le siamupini o ‘au a alii ma tamaitai o le taamilosaga a le Teuila i lenei tausaga 2020.

O le ‘au a tamaitai o le Ao Atua e lei iai se ‘au a teine o le Teuila na latou faafetoaia le malosi o le ‘au lenei talu lava ona amata mai le taamilosaga o le Teuila.

O se ‘au e malosi tele toe lelei uma tamaitai o loo taaalo ai. O le ‘au foi lenei na siamupini i le taamilosaga o le PIMKA, e pei ona mavae atu nei ao lea foi ua latou toe siiina le talita o le taamilosaga o le Teuila.

O le talita lea sa tapenaina e le kamupani a le Sleepwell.

I le taamilosaga a alii, e 6 ‘au sa see mai i luga i Pool e lua sa fai i ai le taamilosaga o le pa’ū ma nofo, lea sa taaalo ai le Tama o le Makala 1 ma le Kobras ma manumalo ai le Tama o le Malaka 1, taaalo le Tanifa o le Vao ma le Povi Po’a ma manumalo ai le Tanifa o le Vao, ae taaalo le Ao Atua ma le Saints manumalo le Ao Atua.

Ona see mai lea o ‘au nei e 3 sa manumalo ma faia le se’iga pepa, poo ai se ‘au e se’iina le numera 1, ona see atu lea e faatali mai i le sailiga o le siamupini ae taaalo ai le 2 ma le 3, poo ai e manumalo ona taaalo lea ma le numera 1, e saili ai le siamupini.

Ina ua mae’a le se’iina o pepa, ma see atu ai loa le Tanifa o le Vao e faatali mai i le sailiga siamupini ina ua latou se’iina le numera 1, ae taaalo ai le Ao Atua ma Tama o le Malaka 1, ma o le iuga o lea taaloga na faia’ina ai Tama o le Malaka 1 i le Ao Atua.

I le sailiga o le siamupini a le Tanifa o le Vao ma le Ao Atua, o se taaloga mata’ina lea taaloga, sa tatā muamua le Tanifa o le Vao ma latou mauaina ‘ai e 41 i polo e silia i le 60, ona tuli lea e le Ao Atua ma maua ‘ai e 41 ae toe 5 le pe o loo totoe ae toe 20 polo, ma manumalo ai le Ao Atua.

Ma ua sola ai nei le ‘au a le Ao Atua ma le talita o le siamupini o ‘au a alii i le taamilosaga o le Teuila, o le talita lea sa tapenaina e le afioga i le aloalii ia Galumalemana Tai Galumalemana ma le aiga.

O le Aso Toonai ua mavae na faauma ai le taamilosaga o le Teuila na momoli ai le agaga faafetai o le afioga i le Peresetene ia Moa Sola Sa’u e fai ma sui o le komiti faafoe o le Teuila, i ‘au taitasi uma sa auai i le lenei taamilosaga aemaise o kapeteni o ‘au uma faatasi ai ma tapuaina a fale tapuai taitasi ona o le faamaopopo atu i nei faagatama ua maua ai le nofo fealofani ma le nofo fiafia o tupulaga o le atunuu.

Faaopoopo foi le faafetai a le afioga i le Minisita o tagata atu motu o le Pasifika ia Hon Aupito Tofae Su’a William Sio i le komiti faaafoe i le faamaopoopoina o nei taaloga mo alo ma fanau o Samoa, ma lana faafetai i ‘au taitasi mai afioaga ma ekalesia o loo militino faatasi ai i nei faagatama ua masani ai tupulaga. 

[/et_pb_text][/et_pb_column][/et_pb_row][/et_pb_section]