(1) Every one is liable to imprisonment for a term not exceeding 10 years who being a person described in subsection (2), has frequent contact with a child or vulnerable adult (the victim) and
(a) knows that the victim is at risk of death, grievous bodily harm, or sexual assault as the result of-
(1) an unlawful act by another person; or
(11) an omission by another person to discharge or perform a legal duty, of in the circumstances, that omission is a major departure from the standard of care expected of a reasonable person to who that legal duty applies, and
(b) fails to take reasonable steps to protect the victim from that risk.
Vulnerable Adult for the purpose of the section 195A means a person unable by reason of detention, age sickness, mental impairment, or any other cause, to withdraw himself or herself from the car or charge of another person.
Ua ta‘ua le tulafono lea e i luga ona o le vaiaso nei sa oo mai i lo‘u ofisa se mafatiaga o se tina matua Samoa, ona o ni upu lafo ma ni upu faafefe na fai i ai i lenei tina e sana tama tama.
O le tina ua ova i le 70 ma ona tupu ona tausaga. O ni upu na lafo i ai e lana tama tama e matuai lē fetaui i le tulafono ma lē fetaui, lē fetaui lava i le aganuu faasamoa. O tatou Samoa na ola mai i Samoa ma ola mai mātua Samoa e iloa ava ma faaaloalo i mātua aemaise mātua matutua.
E ofo le loto i le faalogo i ni tala lafo a se tama i sona tina matua, ua oo i upu lava e lē tatau ona tautala ai se tama i sona tina i luga o le aganuu faasamoa.
Ua uma ona tusia i lalo upu sa lafo i lea tina. Ua uma foi ona toe faitauina e le tina nei upu, ma ua uma ona ia sainia e moni ma faamaoni upu na lafo ia te ia.
Ona o le uiga lava o le tina Samoa e alofa i fanau, e nanā i lotoifale nei mea leaga o fai i mātua e fanau. Ae ua lagona le matuiā o le mea na fai i lenei tina o lenei ua ou ta‘ua ai le tulafono fou lea na suia mai ia Aperila i le tausaga lenei 2012 ina ia nofouta uma i ai tatou Samoa.
E falepuipui i le 10 tausaga le tagata ua na ia faia se laasaga pei ona ou ta‘ua i le mea na tupu i lenei tina matua Samoa i le vaiaso na tea nei, i se tamaitiiti poo se tagata ua lē mafai ona latou puipuia i latou ona ua matuatua, ma‘u poo se isi lava tulaga ua lē mafai ai ona puipui e lea tagata ia, mai ni mea o fai i ai e se isi.
Ou te lē tusia i lalo upu maoa‘e ma le lē fetaui na fai e lenei tama Samoa i lona tina matua, ona o le mataupu ua iai nei i lima o leoleo. Ae na ona faamanatu atu i o tatou tagata, le tāua o le vaaiga o tatou mātua sa alu le latou afu ma le taumafai i olaga o tatou fanau.
O le tulafono lea e ta‘ua i luga e lavevea tagata e nonofo faatasi ma le tamaitiiti poo le tagata matua e vaaia ma faalogo i ni mea leaga o fai i se tamaitiiti poo se tagata matua, ae lē lipotiina i leoleo.
E faapea foi ona lavelavea i le tulafono tagata e faigaluega i le falemai poo ni tagata e faia ni tuite faaletulafono latou te vaaia nei tamaiti ma tagata matutua, sa vaaia ma faalogo i ni mea leaga e fai e se isi i tamaiti ma mātua, ae nofonofo e lē lipotia le mea ua faia.
Ona ou te lē toe fia vaai i mātua matutua o soonafai, o lea ua ou tusia ai lenei tulafono.
E leai se tulafono e laveai ai se tagata e na te nanāina ni mea leaga e fai e se isi o se aiga poo se tagata ese foi i se tamaitiiti poo se tagata matua.
