Faamanuiaga o le 90 tausaga o le Tina matua ia Maria Otila Nanai Tiitiiatalaga
E toaele fafine e amio lelei i latou, ae o oe, ua faasilisili oe ia i latou uma. O le matagofie o le pepelo lea, o le mea faatauvaa le lalelei. Ae o le fafine ua mata‘u i le Alii, e viia lava o ia. (Faataoto 31: 29-30)
O le Aso Faraile 30 Ianuari 2015 sa faatumulia ai le nofoaga o St Maximillian Kolbe i Masden Logan City Brisbane, i le mamalu o le atunuu na latou molimauina le atoaga o le 90 tausaga o le Tina ia Maria Otila Nanai Tiitiiatalaga.
O le afioga ia Patele Epati sa feagai ma le sauniga lotu e faapaia le aso fiafia o le Tina matua. Na mae‘a le sauniga lotu ona sooso lea ma le taumafataga o le susuga Aminatapu Sauro Faafeū Tauā mai le EFKS a Cairns sa tatalo faamanuia ona agai atu lea i le faapaiaina na saunia e fanau a lana fanau (grandchilden).
Talu ai ona e fiafia tele le Tina ia Otila i lanu eseese o lea na atagia ai le 4 o fogafale felanulanuai ma le fogafale Tusi Paia o lona soifua Kerisiano.
Na lufilufi le keke mo le aufaigaluega, aemaise le mamalu o le atunuu sa auai o le ata o le aga faaaloalo e tali atu ai le amanaia e le mamalu o le atunuu o le Tina matua. Ona sooso lea ma faafiafiaga sa saunia e fanau a lana fanau e faamatagofie ai lona aso fiafia.
O le afioga ia Nanai Vai na molimauina le soifuaga o le Tina. Sa soifua a‘e le Tina i le aso 29 Ianuari 1925 mai alalafaga o Lano ma Mulivai ae na soifua a‘e i Vaiusu Faleata, ae o le Tamā o le aiga o Nanai Anae Tiitiiatalaga Nanai ua faiilagi le folauga mai Matautu Falelatai ma Lefaga.
E toa 12 le nofoaalo, 4 tamaitai, Maletina, Makerita, Nofoilevaoalii, Alaisa ua maliliu; ae 8 tama o loo soifua mai nei, o Nanai Mikaele, Nanai Lui, Nanai Vai, Nanai Leututua, Nanai Tailua, Nanai Ulusele, Nanai Saoaumaga ma Nanai Tausagafou. E to‘a 36 grandchildren ae to‘a 28 great grandchildren.
O le afioga Nanai Tailua na fai ma sui e momoli le faafetai ma le faamalo i le aufaigaluega paia a le Atua ma le mamalu o le atunuu sa molimauina le faamoemoe i faaaloaloga masani. O le afioga ia Nanai Tausagafou na fai ma fofoga o le aso.
Na mae‘a faaaloaloga ma faaiu ai le po fiafia i saunoga a le afioga ia Patele Epati Tamati ma tatalo faamanuia ona lulu aao lea ma faatofa.
Manuia lou aso soifua Tina Otila Nanai! Alofaaga mai ou aiga aemaise lau fanau ma grandchildren ma great grandchildren uma lava.
