E tolu ni vaega tāua sa feagai ai ma le afioga ia Patele Epati Tamati i le Aso Sa, 26 o Fepuari.
Sa tauaofia le Divine Mercy atoa a Kuiniselani i se Misasa sa tuufaatasi, sa auai mai ai nisi o faletua mai Samoa i se Semina. O le team ua igoa o le Core Team a le Divine Mercy e aofia ai le faletua na malaga mai, Afamasaga Lesina Levy (Failautusi o le Oceania) o le faletua ia Leutogi Toleafoa Seimsen (Coordinator o le Motu o Savaii) ma le faletua ia Susitina Viliamu (Taitai Divine Mercy i Moamoa.
O le faalauaiteleina lava o le agaalofa o Iesu i tagata uma o le galuega tauave pea lea o loo taupati ai nisi o le paia ma le mamalu o le atunuu.
Sa auai uma lava Divine Mercy a Kuiniselani e aofia ai Inala, Dara, Goodna, Marsden ma Woodridge.
O le isi faamoemoe sa faamanatuina o le atoaga lea o le 40 tausaga talu ona taunuu atu Sisters of Mercy i Samoa ma faavaeina ai le aoga a Paulo le Ono i Leulumoega.
Sa auai uma foi le Asosi a tamaitai tuai faapea le susuga i le faafeagaiga ia Rev Perelini Tauilo ona o le faletua poo le tina o le galuega, o loo avea pea ma teuoloa a tamaitai tuai o le Asosi.
O le faamanuiaga faaiu sa faapaiaina ai pe papatemaga ai se tasi alo e faasino i le afioga ia Solamalemalo ma Tina Maiava, le alii lea o Roman Maiava.
O le afioga lava ia Patele Epati Tamati sa feagai ma sauniga paia o le Misasa i lea aso.
