O le seleni lava ma le tupe e tele, na unaia ai faaiuga o lenei soifuaga, auā e faataunuu uma ai fuafuaga. i le taaloga o le lakapi liki, o le alii o Roger Tuivasa Sheck ua ia fulitua i lea mau ina ua muamua sii lona lima e fia taalo mo le Toa Samoa a o faato‘ā luasefulu ona tausaga.
Na soifua mai o ia i Apia ae lei malaga lona aiga i Niu Sila. O loo taalo i le taimi nei mo le Sydney Roosters i le tulaga o le uigi poo le fulupeki. O le tausaga muamua lenei ua taalo ai i le ‘au tele a le Rooster faatasi ma Sonny Bill Williams lea ua ofo e toe taalo mo le Kiwis.
Na faaalia e nisi o tama Toa Samoa le mataina o le ‘au a le atunuu pe a iai SBW ae peitai ua toe foi i Niu Sila. O le mau a Sonny Bill e toe fia siamupini i le liki ma o le Kiwi e ono siamupini.
O le mau a le Toa Samoa ia faamalosia le Toa ma finau auā le tapuaiga. O le mafuaaga lava lea na sii aao muamua ai Roger Tuivasa Sheck mo lona atunuu na fanau ai. Ua moni ai upu a le atunuu, ‘E lele le Toloa ae maau i le vai.’
Na sikoa muamua foi Tuivasa i le taaloga ma le Bulldogs lea na lami ai Roosters e 38-0. O lea taaloga i le Aso Faraile talu ai na faamanatu ai le uluai feiloaiga a le Bulldogs ma SBW talu ona sola ese ma Canterbury i le 2008.
E ui i le leoleoa, fetuu ma le palalauvale o le autapuai a le Bulldogs, ae sa lei afaina ai Sonny lea na maua ana sikoa e lua faapea le pasi matautia na sikoa ai Tuivasa Sheck mo ‘ai muamua o le taaloga.
O le vaiaso nei e auai atu ai Tuivasa ma tama o le Toa Samoa mo se tuufaatasiga e tapena ai le taaloga ma Toga i le Aso Toonai nei, 20 o Aperila i le malae i Penrith. O le po o le Aso Faraile nei o le a taaalo ai Niu Sila ma Ausetalia i le taaloga o le ANZAC 2013. O le a taalo ai SBW mo le Kiwi faapea isi tama Samoa e toatolu.
Ae peitai o le toatele o tama Samoa na fananau ma soifua ma taaalo foi i Niu Sila lea ua ofo e tautua mo Samoa. E aofia ai le kapeteni muamua a Niu Sila o Roy Asotasi, Steve Matai ma Krisnan Inu. E aofia ai foi le sui iloga o le Canberra Raiders e pei o Josh Papalii.
O le sikoa mataina a Roger Tuivasa Sheck i le Aso Faraile talu ai ua fai ma faamalosiau i tama o le Toa Samoa lea ua koleni faatasi nei mo le taaloga ma Toga.
O tama nei o le Toa Samoa ua avanoa mo le taaloga ma Toga
1. Chase Stanley – Dragons
2. Tanielu Pasene – Lions (Samoa)
3. Tuivasa Sheck – Sydney Roosters
4. Steve Matai – Manly Sea Eagles
5. Kalifa Faifailoa – Cowboys
6. Ben Roberts – Paramatta Eels
7. Peter Godinet – Auckland Warriors
8. Josh McGuire – Brisbane Broncos
9. Masada Iosefa ma Ionatana Tino – Tigers & Samoa
10. Roy Asotasi – Souths – Rabittohs
11. Reni Maitua – Paramatta Eels
12. Josh Papalii – Canberra Raiders
13. Harrison Hansen – Wigan Warriors
14. Anthony Milford – Canberra – Raiders
15. Ken Sio – Paramatta Eels
16. Lokeni Lokeni – Bulldogs (Samoa)
17. Krisnan Inu – Canterbury – Bulldogs
18. Lagi Setu – Melbourne Storms
19. Leia Saofaiga (Wing/fullback) – Bulldogs (Samoa)
20. Junior Fotu (Prop) – Glenora Bears (NZ)
21. Denny Solomona – Melbourne Storms
22. Leeson Amau – St George Dragons
23. Sam Tagataese – Cronulla Sharks
24. Vailoa Kereti – Marist Saints (Samoa)
25. Peter Matautia – Newcastle Knights
26. Steve Price – St George Dragons – Coach
27. Ponifasio Vasa (Samoa) – Assistant Coach (Samoa)
28. Leaupepe Nigel Vagana – Technical Advisor
29. Scott Campbell – Soupsy Trainer
30. Tuimatafele Fritz Tuiavii Football & Operation Manager
31. Rudy Roebeck – Assist. Manager (Samoa)
32. Eddie Farah (South Sydney) – Physio
33. John Rimoni – Assistant Trainer (Samoa)