Sauni masaga Samoa mo se lumanai i le Netipolo

Ua sauni atu nei se masaga e tai iva (9) o la tausaga ia Solonaima ma Litara Aoina e saili so la avanoa i le aufili Tauatia‘e a Fairfield i Sini.

O se vaaiga e ese mai i le toatele o fanau, o le fuifui lua lea o Solonaima ma Litara i le au e taaalo ai i lo la finau ma le agavaa.

O le miti a Solonaima ma Litara ia oo i le tumutumuga o le taaloga netipolo i Sini nei faasolosolo atu ai i luga.

E pei ona silafia e oo mai i le taimi nei e leai lava se alo tamaitai o Samoa ua ausia le aufili netipolo a Ausetalia vagana ai le tamaitai Tonga ia Moonia Gerard le tuafafine o le alii lakapi iloga ia Mark Gerrard.

E ui faato‘ā iva tausaga o lenei masaga, ae ua iai le agaga tauivi o loo vaaia i luga o le malae. O le avea o matua ia Toala Tupu Aoina ma Aiulu Aoina ma faamalosiau ma lagolago malosi i taaloga e unaia ai pea i laua.

O le tamā ia Toala mai le afioaga o Malie, Toamua, Satapuala ma Sili o le faufautua ae peitai o le tina ia Aiulu Toluono Aoina mai Palauli o le faiaoga lea o le au i lalo o le iva tausaga a Fairfield.

U a avea foi le logologoa o taaalo a Tusi, George ma Ken Pisi i le Manu Samoa ma faamalosiau i lenei masaga. O Ken, Tusi ma George o alo o le tausoga a lo latou tama ia Toala Tupu.

O nisi o teineiti talavou Samoa o loo iai i le au a Solonaima ma Litara Aoina e aofia ai Gabrianna Evans, Maria Samuelu, Cassandra Su‘a ma Christine Loli.