Ua sauni lelei le Wallabies a Ausetalia mo fetauiga ma le All Blacks. Ae le gata i lea, o loo iai le talitonuga i le ‘au o le latou taimi lenei, ua mae’a le taimi o le All Blacks ae o le taimi lenei o Ausetalia. O lena talitonuga e nofo i mafaufau ma loto o tama taitoatasi o le ‘au.
O lena mau ua mausali i totonu o tama taaalo uma. E talitonu le ‘au, e manumalo i le All Blacks i taaloga a le Bledisloe e amata i Sini, Ausetalia i le Aso Toonai. Ae a le manumalo foi, ua iai lava le talitonuga o le ‘au ua tea le taimi sa faafefe ai e le All Blacks le Wallabies a Ausetalia. Ua fai si leva e lei toe manumalo le Wallabies i le Ipu o le Bledisloe, o le 2002 le tausaga mulimuli na sii ai e Ausetalia ona sosoo ai lava lea o malo o le All Blacks mo le 16 tausaga. O le 2012 le tausaga mulimuli na manumalo ai Ausetalia i le All Blacks (27-19, Sydney).
Talu mai lena taimi e lei sōsō pe lalata Ausetalia i le malosi o Niu Sila. Na’o le 2014 na tutusa ai le taaloga i Sydney 12-12, na uma lea ae toe foi le All Blacks i le sauaina o Ausetalia i isi taaloga na mulimuli ane ai.
E ui e lei manumalo le Wallabies i le All Blacks talu le 2012, ae o loo iai le talitonuga mausali a tama o le ‘au, ua oo i le latou taimi. O le taimi lea o loo fuafua lelei iai mo tapenaga a Ausetalia mo Iapani ma le Ipu o le Lalolagi. O ia tapenaga e amata atu i le 2018 i le taaloga ma Niu Sila. O le mafuaaga lea o le suia atoa o lagona o le ‘au, auā ua oo mai le taimi o tapenaga mo le Ipu o le Lalolagi i le tausaga fou.
O le Aso Toonai na faailoa ai e Michael Cheika, le faiaoga a Ausetalia lana ‘au malosi mo taaloga o le Bledisloe ma le The Rugby Championship, o loo muamua ai i le lisi igoa o alii Samoa o Allan Alaalatoa ma Scott Sio, o pou autu a le Wallabies mo le taaloga ma le All Blacks. Ua mae’a foi ma le taimi e avea ai i laua ma tama faaleoleo o le ‘au, ae ua avea ma tagata faamoemoeina autu mo le lumanai o le Wallabies. Aemaise ai Alaalatoa, ua tolu tausaga talu ona iai i le ‘au a Ausetalia. Mai le amataga o ia o se tagata fou, ae ua 23 ana taaloga faavaomalo.
E ui e na’o le 24 ona tausaga, ae ua masani i tu ma aga a le ‘au. A’o Sio, ua leva ona tea ia taimi o se tagata talavou o le ‘au, i le 26 o ona tausaga e atoa i le tausaga nei le 50 o ana taaloga mo le Wallabies. O lona uiga, o ia o se tagata faamoemoeina sinia a le ‘au.
Taaloga i le Va o le All Blacks ma le Wallabies
19 Aokuso 2017, All Blacks 54 Australia 34 (Sydney)
26 Aokuso 2017, All Blacks 35 Australia 29 (Dunedin)
21 Oketopa 2017, All Blacks 21 Australia 18 (Brisbane)
20 Aokuso 2016, All Blacks 42 Australia 8 (Sydney)
27 Aokuso 2016, All Blacks 29 Australia 9 (Wellington)
22 Oketopa 2016, All Blacks 37 Australia 10 (Eden Park)
8 Aokuso 2015, All Blacks 27 Australia 19 (Sydney)
15 Aokuso 2015, All Blacks 41 Australia 13 (Eden Park)
1 Novema 2015, All Blacks 34 Australia 17 (London – WC Final)
16 Aokuso 2014, All Blacks 12 Australia 12 (Sydney)
23 Aokuso 2014, All Blacks 51 Australia 20 (Eden Park)
29 Oketopa 2014, All Blacks 29 Australia 28 (Brisbane)
17 Aokuso 2013, All Blacks 47 Australia 29 (Sydney)
24 Aokuso 2013, All Blacks 27 Australia 16 (Wellington)
19 Oketopa 2013, All Blacks 41 Australia 33 (Dunedin)
19 Aokuso 2012, All Blacks 19 Australia 27 (Sydney)
25 Aokuso 2012, All Blacks 22 Australia 0 (Eden Park)
20 Oketopa 2012, All Blacks 18 Australia 18 (Brisbane)
‘Au a le Wallabies mo le Taaloga ma le All Blacks i Sydney, Australia
Foueti
Allan Alaalatoa (23 Tests, Brumbies, 24)
Adam Coleman (23 Tests, Melbourne Rebels, 26)
Ned Hanigan (13 Tests, NSW Waratahs, 23)
Michael Hooper (c) (82 Tests, NSW Waratahs, 26)
Sekope Kepu (94 Tests, NSW Waratahs, 32)
Tolu Latu (7 Tests, NSW Waratahs, 25)
Brandon Paenga-Amosa (3 Tests, Queensland Reds, 22)
David Pocock (69 Tests, Brumbies, 30)
Tatafu Polota-Nau (82 Tests, Leicester, 33)
Tom Robertson (21 Tests, NSW Waratahs, 23)
Izack Rodda (7 Tests, Queensland Reds, 21)
Pete Samu (3 Tests, Brumbies, 26)
Rob Simmons (85 Tests, NSW Waratahs, 29)
Scott Sio (46 Tests, Brumbies, 26)
Lukhan Tui (7 Tests, Queensland Reds, 21)
Taniela Tupou (4 Tests, Queensland Reds, 22)
Laina i Tua
Tom Banks* (uncapped, Brumbies, 24)
Kurtley Beale (74 Tests, NSW Waratahs, 29)
Israel Folau (65 Tests, NSW Waratahs, 29)
Bernard Foley (58 Tests, NSW Waratahs, 28)
Will Genia (90 Tests, Melbourne Rebels, 30)
Dane Haylett-Petty (21 Tests, Melbourne Rebels, 29)
Reece Hodge (27 Tests, Melbourne Rebels, 23)
Marika Koroibete (11 Tests, Melbourne Rebels, 26)
Jack Maddocks* (uncapped, Melbourne Rebels, 21)
Nick Phipps (64 Tests, NSW Waratahs, 29)
Joe Powell (4 Tests, Brumbies, 24)
Matt Toomua (33 Tests, Leicester/Melbourne Rebels, 28)
*leai se taaloga faavaomalo
