Ua saini lima Daniel Vidot e pi’i i le WWE a Amerika. O le feagaiga e mo le tolu tausaga mae amata i le tausaga fou. O le igoa pi’i o Vidot o “Samoan Ghost” po’o le “Ghost Vin Quade” – o lona uiga o le Aitu Samoa.
Ua leva ona nofo tapena le tama tuai a le Toa Samoa ma le Brisbane Broncos mo lenei matati’a fou. E ui e talavou ma tele ona tausaga, 28, o totoe i le NRL ma le Toa Samoa ae o se suiga ua talafeagai mo ia.
E ma’oti le mana’o o Vidot i le tuliloaina o lenei matata mo ia. Na ia ta’ua e fa’apea, o le sui mai le lakapi i le Pi’iga e le’o se tulaga e masani ai le fa’asologa o tiute masani ae ona e fetaui lelei ma ona uiga o le fiafia lea i faiga e le masani ai le to’atele. O le’a tu’ua ai le Liki ua masani ai ae tuliloa lenei tiute fou.
E o’o foi i le filifilia o lona igoa pi’i – na ia fa’amatala ai o le filifilia o le igoa “Samoan Ghost” e talafeagai lea ma lana amio. O ia o se tagata ula e pei o le Aitu Samoa o le igoa e faafiafia ai tagata matamata.
Ua to’alua ai ali’i Samoa o le’a pi’i i le WWE – o Vidot ma Samoa Joe. O le filifiliga a Vidot e le’o se galuega faigofie ona o le to’atele o tagata pii ua leva ona mautu i totonu o le WWE. O le’a taumafai ai le alii fou e ta sona lava ala e laasia e ia mo se manuia i totonu o lenei vaomatua o le WWE.
O le tu’ua ai e ia o le NRL ma le Super League sa taalo ai mo le au a Salford. O le 2017 na toe foi ai i le NRL e taalo i le Gold Coast Titans. E na’o le tolu ana taaloga mo le Titans i le tausaga atoa. I ia taaloga e tolu e lua ana sikoa tatao na maua, o lona uiga e lelei tele le ta’alo a Vidot i totonu o le NRL.
O le Canberra Raiders na amata ai i le NRL i le 2009 (45 taaloga), soso’o ai ma St George Illawara (35) ma le Brisbane Broncos mo le lua tausaga 2014-15. E 31 ana taaloga mo le Broncos on malaga ai lea i Peretania. I ana taaloga mo le NRL ma le Super League e 124, e 244 ‘ai na ia maua mai i tatao e 61. O foliga foi ia o lona taimi i le Toa Samoa. O le 2013 na amata taalo ai mo le Toa i le 2015, e 10 ana taaloga ma tatao e ono na ia maua.
O Vidot o se tagata e masani i le manumalo, mae i le faitau pe’a fa’apasene lana taalo o le 49% o le taimi e sikoa ai o ia i taaloga.
I ana taaloga mo le Toa Samoa e ova laititi lea fuainumera ua oso i le 60%, mai taaloga e sefulu ma tatao e ono na maua mai ai.
O le masani lava lea o le’a tau’ave e Daniel i totonu o lana matata fou mo sona sao i totonu o le WWE.
