O le taeao o le Aso Toonai na faia ai se galuega lelei ma le alofa e le ekalesia Victory Church. Sa valaaulia ai le mamalu o Samoa uma i se latou mālū taeao aemaise le fufuluina o taavale ae leai se totogi.
Sa faatauina atu foi nisi o vaega ia latou garage sale i ni tau taugofie e fesoasoani i faagaioiga a le ekalesia. O le lupe faalele o loo tausia le ekalesia o le susuga ia Ps Faavae ma le faletua ia Whanganui Avia mai Salelologa i Savaii.
O se tasi lenei o ekalesia faatoa mae‘a ona faaulufaleina lo latou malumalu fou i se taimi e lei mamao atu. O le tuatusi o le falesa a le Victory Church: 192 Redbank Plains Road, Bellbird Park QLD.
