(Koneferenisi a tamaitai Kerisiano Pasefika)
Na amata le forum a taitai/faifeau o le koneferenisi a tamaitai kerisiano o le Pasefika, e ala i le faatasi mai o le Atua.
Sa auai nisi o tina ma faletua mai isi atunuu e iai Austetalia, Apoliki, Tonga, Samoa, Maori ma Niu Sila, ma na usuia i le “River of Life Church” i Slacks Creek i le itu i Saute o Brisbane.
Na tatalaina aloaia le koneferenisi i le sao matagofie a le au Apoliki i le taeao, ona maimoa lea ma faafofoga i polokalame ma faamalosiauga e faalauiloa ai tiute ma sao tāua o tina i le galuega tala‘i.
Na faamanatu se tasi vaega tāua e fai ma taiala “afai o siitia se tulaga o se tina i soo se matagaluega e le gata o aiga, nuu, mafutaga, ekalesia poo le atunuu, e te silafia iina, o loo pupula malosi lau fetu.”
Na toe faaauau i le taeao o le Aso Toonai le polokalame atoa o le tuufaatasiga ma faaiuina i se taumafataga tele.
E oo foi i le Aso Sa na logomalie pesepesega a ekalesia mai atunuu eseese aemaise Tonga ma le latou purinisese lea sa avea ma Faialuga autū (Keynote speaker) i le afiafi o le Aso Sa.
O le tamaitai faifeau o le Ekalesia Uesiliana Metotisi Forest Lake Brisbane, susuga ia Pastor Sitika Lemana Satui ma nisi o faletua sa fai ma sui o Samoa i lea mafutaga.
