Ua alo atu nei le faalapotopotoga mo le Gagana Samoa i la latou fonotele e faia lea i Pamasetone i le aso 23-25 o Aperila 2013. O le sini autū: “Fafaga fanau i upu ma tala. Tautala i lau gagana”
O lea e faasilasila atu ai ia i latou e fia tilivaina ni a latou pepa e faatatau i lea autū ina ia faaoo mai a o lei oo i le Aso Faraile, 29 o Mati.
E tatau ona 250 upu o lau folasaga (abstract) ma ia tausisia le sini autū o le fonotele. Ia logo mai poo ā ni masini e te fia faaaogāina mo lau pepa, ma ei le va o le 35 – 40 minute le umi e aofia ai fesili ma tali.
O le lesitala:
$450 faiaoga tulagalua – Iunivesete
$250 faiaoga Aoga Amata ma isi
$100 i le aso e tasi.
Faafesootai Leautuli‘ilagi Sauvao mo lau abstract: leautuli.sauvao@whitireia.ac.nz a o Faatili Esera mo le polokalame ma le Maota fono atoa ai ma ni isi fesili e fia manino ai: Iosuaesera@petone-central.schools.nz.
