O le afiafi o le Aso Faraile aso 3 o Me na faia ai se taumafataga sa aofia ai nisi o le atunuu.
Na molimauina e nisi sa auai i lea afiafi le tauaaoina atu aloaia o le siaki tupe e tusa ma le $14,500.00 tala Samoa e le Peresetene o le Tuufaatasi i le Hai-Komesina o Samoa i Ausetalia le afioga ia Lemalu Samau Tate Simi.
Sa tauaofia i se taumafataga tele sa faataunuuina i le fale‘aiga a le Springwood hotel i Springwood.
O lenei seleni na tuufaatasia e le Mafutaga Samoa Tuufaatasi i Brisbane e ala i se leitiofoni sa gapatia ai le mamalu o Samoa i Kuiniselani, lea sa faia i le alaleo a le Penina o Asuisui Switch 1197am.
Sa lagolagosua ai foi le afioga ia Tauiliili Ata Peseta Malifa o ia o le Convenor o le leitio a le 4EB.
O le Peresetene o le mafutaga Tuufaatasi Samoa Brisbane Forum, o le afioga ia Taulapapa Lemalu Roy Slade, Sui taitaifono – Faimalotoa Ioane Pale, Failautusi – Leautuliilagi Vaa Leapai, Teutupe – Muliaga Filipina Petelo ma le paia i le mafutaga.
Pa‘upa‘u ia ae oo i Lepea sina vaega o lenei seleni e taumasinei ane ai Samoa o alala i Brisbane i se manaomia o totoe i taimi sa afatia ai Samoa i le afā o Eveni.