E ui e na o le toafā tamaitai tauva o lenei tausaga, peitai sa lei faigofie tapenaga a nai tamaitai aemaise le Komiti faafoe. E maualuga pea le viia o le Tapaau i le lagi ua tau ai lau o le faamoemoe.
E pei ona silafia o le tamaitai sa paleina le pale o le 2013-2014 o Kristle Vaigalepa Leo, o le alo o le faafeagaiga ia Rev Pevise ma le faletua ia Shirley Leo o le Ekalesia EFKS.
E toafā tamaitai tauva o lenei tausaga e aofia ai Afiogatuutasioaiga Jessica Taulaga mai Siufaga i Falelatai ma Samea i Mulifanua.
O le Tamaitai tauva lona 2 o Tusipepa Sandra Lilomaiava Kepu mai Apolima ma Falevao. O le Tamaitai tauva lona 3 o Valasi Faataualofa Florida Charity Asiata mai Tufutafoe ma Vaegā i Satupaitea, Tuanai, Sinamoga ma Vaiusu.
O le Tamaitai tauva lona 4 o Mattia Zas ‘Oti mai Leulumoega, Faleasiu, Fogapoa ma Eva.
O vaega nei sa lautogia ai tamaitai tauva:
Miss Photogenic, Miss Internet and Popularity, Best Sarong – Valasi Faataualofa Florida Charity Asiata
Miss Friendship – Afiogatuutasioaiga Jessica Taulaga
Best Traditional Wear, Best Talent, Best Interview, Miss Charity – Tusipepa Sandra Lilomaiava Kepu
Best Puletasi – Mattia Zas ‘Oti
3rd Runner up: Valasi Faataualofa Florida Charity Asiata
2nd Runner Up: Mattia Zas ‘Oti
1st Runner up: Tusipepa Sandra Lilomaiava Kepu
WINNER of Miss Samoa Australia 2014-15: Afiogatuutasioaiga Jessica Taulaga
Faamasino o le tauvaga: Ps Stika Lemana Satui, Lealiiee Taulafo Ito, Afioga Lafaitele Paulo Aiga Muliaga, Lealaisavea Sara Brunt, Faasuamale‘aui Siaosi Tupuola ma Fugalaau Matamoana Ropati Frost.
Scrutineers: Le‘autuliilagi M S Vaa Leapai, Salā Kelemete Tito & Nive Ioelu.
Na auai mai le sui komesina o Samoa i Ausetalia, Fata Kaio faapea nisi o malo faaaloalogia, se tasi o sui faipule o le itumalo Vaimauga i Sisifo, Lenatai Victor Tamapua. O le Major sponsor o le tauvaga o le Import Auto Centre lea o loo galue ai le fetalaiga ia Le‘autuliilagi Malaeoalii S Vaa Leapai.
O le susuga ia Sulieni Layt faapea le faletua ia Joyita Stanley Slade sa fai ma fofoga o le po. O le fofoga o le Komiti le tofa ia Patea Pesamino Taefu (feagai ma le aganuu) sa ia faaleo se agaga faafetai e tala masinei ai le afifio atu o Samoa na potopoto.