Na faafetai atu Rosa ia Sefo ona faanatinati lea i totonu o le fale e tuu le teu i le vai, ae sei faitau le tusi lea e foliga mai o se solo lona tusiaina:
“Ou te iloa o le a maligi ou loimata ma e lagona le mafatia,
O le ala lea o lou avatu pea o au rosa, ou te manao ia e fiafia.”
“Pe a e maua nei rosa, manatu i le tele o lo ta olioli, A o ta mafuta faatasi ma fusia o ta olaga i le faamaoni.”
Ou te alofa, ma o le a ou alofa pea ia te oe la‘u Rosa e faavavau, E ui ua le mafai ona ou nofo atu e faaleo ia te oe lo‘u āu.”
“La‘u pele ea, taumafai e faafiafia lou loto, a o faasolo lou olaga, E le faigofie, ae tatalo i le Atua o faamafanafanaga.”
“O au rosa na, o le a e maua pea i tausaga uma, Faatoa taofi lava, pe a le toe tatalaina lou faitotoa.”
“O le a foi faalima atu le tama ne‘i e alu ese i se mea i lea aso, A siliga loa lana tuitui mulimuli, lona uiga ua le o toe iai sou manao.”
“Ona ia ave lea o rosa ma sunui ifo i le palapala, Seia aulia le aso ou te toe sogi atu ai ia te oe lau Rosa fua matala.”
