(Public Interest case of appeal of Samoa)
I le vaiaso na tea nei sa ou tu ai i luma o le Court of Appeal a Samoa e finauina se mataupu muamua ua tulai mai i Samoa. O le Court of Appeal e toatolu faamasino papalagi na o atu i Niu Sila, latou te faia faamasinoga i Samoa.
O loo loma nei le faaiuga o le faamasinoga sa ou tulai ai, ona sa faapea le faamasino na ulu i ai le Court of Appeal, e lei maua se iuga i le tulafono, i le faamasinoga a Siva Afi Company, ona e tele vaega eseese faigata o le tulafono na laga, e manaomia e faamasino se taimi e iloilo ai mataupu o le tulafono sa ou laga, ona fetoa fai ai lea o se faaiuga.
Precedent Case (o se faamasinoga muamua lea i Samoa i se matupu tau aveeseina ose Lisi (lease land) e le malo o Samoa)
Ona o se muai faamasinoga lea i Samoa o se mataupu tau i le aveeseina e le malo o Samoa se kamupani mai luga o se eleele, sa faaogaina e lea kamupani, i luga o se lisi mai i le malo, e tāua tele le faaiuga o le a aumai e le Court of Appeal, mo le kamupani a Siva Afi ma le lautele o Samoa, auā le lumanai o tatou tagata e fai feagaiga ma le malo o Samoa.
Atonu o loa silafia o finauga a Siva Afi ma le malo Samoa na I‘u lava ina pasia ai e le malo le tulafono e aveese ai Siva Afi mai i le eleele i Sogi (eleele a le malo na lisi e Siva Afi Company. Na uma loa ona pasia e le malo le tulafono e mafai ai ona aveese tagata mai eleele lisi, ma sainia e le Ao o le malo lea tulafono (Proclamation) , o atu loa leoleo e faatulai ese faamalosi ia pule o le Siva Afi Company, Lene Leota ma Clare Leota ma la tagata faigaluega.
Mataupu e Sili ona Tāua mo Tatou Samoa Uma:
Ona o loo loma le tali o le faamasinoga, e faasā i le tulafono ona ou talanoaina mataupu sa laga i totonu o le falefaamasino.
Pau le mea e sili ona tāua, o lou laga o vaega lautele mo Samoa. O Samoa e iai le Faavae (section 14 Constitution of Samoa). E iai i le vaega 14 o le Faavae o Samoa le tulafono e puipui ai aiā tatau a tagata Samoa uma, i luga o le tulafono, pe a aveeseina faamalosi a latou aiā i ni eleele.
O le isi mea tāua, o Samoa ua saini lima e fai ma se tasi o malo i le va o malo i atunuu uma o le lalolagi (United Nations). E tatau ona anamaia e le malo Samoa ona tiute, i luga o tulafono a le lalolagi e puipui ai aiā tatau a tagata uma ona e iai tulafono e faasino tonu (International Laws and Conventions) e puipui ai tulaga ia sa tupu mai i le mataupu a Siva Afi.
E iai aiaiga ama suesuega a le United Nations, sa tatau ona fai ma taiala i tagata faigaluega a le malo sa feagai ma lenei mataupu i le va o le malo ma Lene Leota ma Clare Leota o Siva Afi.
Ia tautuana ma tatou uma, e iai aiā tatau a le malo o Samoa latou te pasia ai tulafono mo le lelei o le atunuu. Ae iai foi tiute o le malo mo tagata taitasi uma o Samoa.
Ona ua ulufale ma sainilima Samoa i totonu o malo o le lalolagi (United Nations) ma o loo iai Samoa i totonu o le lio o atunuu e faafetauai oloa (Trade), e tāua tele le vaai i tulafono a le lalolagi e opogi ai Samoa, ma manatua e tāua aiā tatau a tagata Samoa uma i lalo o le Faavae o Samoa.
