(Faimafili Malia Fetu Onofia)
O lou aiga o lou faasinomaga, o le auga lea na mafuta fiafia ai alo ma fanau a le tina matua ia Malia Faimafili Fetu Onofia i se latou tuufaatasiga na amataina i le Aso Tofi, aso 17 o Aperila. O nisi e malaga mai Sini ma Melepone faatasi ai ma Niu Sila.
Na tatalaina i le sauniga lotu na taitai e se tasi o le nofoaalo, o se A‘oa‘o o le ekalesia AOG le susuga ia Fetu Fetu Onofia mai Sini. Na faafeiloaia le aumalaga mai fafia, ona alo lea i polokalame o le faamoemoe. E pei o taaloga, taumafataga i le fale‘aiga ma ta‘ape ai lava le aofia i le Aso Toonai.
O le tina matua ia Malia Faimafili Fetu Onofia ua 86 tausaga mai Samauga, Lefagaoalii ma le tamā ia Fetu Onofia ua faiilagi folauga mai Falealupo.
