E foliga mai oloo pito i luga le tamaitai poo le faletua ia Helen Clark, ile faatulagaina o tomai poo agavaa oloo fiafia ai tagata ia i latou oloo finauina le tofiga o le Failautusi Aoao mo Malo Aufaatasi.
O Helen Clark ua na o ia le sui tauva i lenei finauga, oloo mataina ile latou taufetuliga, ona e lē gata i le matuā atoatoa o lona malamalama ma le tautala i lana gagana Peretania, ae na o ia foi se sui tauva e mafai ona matua sologa lelei lana tautala ile gagana muamua poo le main language a lona atunuu o Niu Sila.
Oloo mafai ona maimoaina i luga o upega tafailagi taimi uma oloo faatalanoa pe tuifesili ai e le au faasalalau sui tauva eseese ini o latou finagalo, e tusa ai o mataupu eseese e tatau ona taulai iai tiute o se tasi o le a tulai mai i lenei tofiga maualuga.
Ta‘ua i lipoti, soo se taimi e tali ai e Helen tali a le au faifesili, e iloga ona matuā pati ma fiafia tagata ile atamai o tali a lenei tamaitai, ae o le toatele o isi sui tauva, e mau tali e patipati ai tagata, mau foi a latou tali e iloa atu lava le lē faamalieina ai o le aofia.
Oloo faatulaga Helen o se sui tauva e matuā telē ma mauaa lona silafia i soo se mataupu oloo laga atu. O nisi foi taimi i tali a Helen, e pei ua tau meia ai le au fai fesili ile maumauai o lana tali ma le mautinoa.
Silasila ane i lalo ile faatulagana o sui tauva uma e toasefulu, e tusa ai ma o latou manatu oloo faaaali i le faagasologa o le latou tauvaga, ma oloo maualuga ai lava le tamaitai o Helen e 9/10.
Sui tauva:
Female: Helen Clark (New Zealand, heads the UN Development Programme) 9/10
Female: Christiana Figueres (Costa Rica, former Executive Secretary of the UN Framework Convention on Climate Change) 8/10
Male: Vuk Jeremic (Serbia, former President of the UN General Assembly) 7/10
Female: Irina Bokova (Bulgaria, Director of UNESCO) 6/10
Male: Antonio Guterres (Former PM of Portugal) 6/10
Female: Vesnar Pusic (Former deputy PM of Croatia) 5/10
Female: Susana Malcorra (Foreign Minister of Argentina) 5/10
Male: Danilo Turk (Former President of Slovenia) 5/10
Female: Natalia Gherman (Former deputy PM of Moldova) 5/10
Male: Igor Luksic (Former PM of Montenegro) 4/10
