O le Faamanatuina o le Aso Maliu o le Alii

O le faamanatuina lena o le Aso Maliu o lo tatou Alii i totonu o le Tu Manu Ae Le Tu Logologo Aoga Amata i Papakura.
O nisi o alo ma fanau o loo a‘oa‘oina i totonu o lenei aoga sa latou faatinoina le tala i le aso maliu o Iesu.  Ua maliu ma toe soifua manumalo ona o le alofa o le Atua ina ia faaolaina le lalolagi atoa mai le agasala. O le faailoga lena o le manumalo a‘ia‘i ma le pule aoao o le Atua i le oti ma le tuugamau.
Sa matua ootia finagalo ma loto o matua, faiaoga ma e uma sa molimauina le faatinoina e nai tamaiti o le feau taua o le Eseta.
‘E le o maliu Iesu – soifua lava ia’.
Manuia le Eseta!