E ui ina iai masaloga ua maua i Samoa le loi mūmū, peitai e leai se faamaoniga ua oo mai i le tusitala.
Ae peitai e lē o galo le taumafaiga a Matagaluega a le malo o gafa male puipuia o manu faalafua, pei o le Ofisa o Faatoaga, i le vaega a le Quarantine, e taofiofi le oo mai o Sisi Aferika i Samoa.
Ua faamauina le tele o auala na faia ma le faamoemoe e tineia ai ni sisi e fia malaga mai i totonu o Samoa, peitai e lei manuia.
O nisi o na auala, e aofia ai le mata’itu o pusa oloa, aemaise o pusa mai Tutuila, mo Upolu, pe o pipii mai ai ni sisi. E lei manuia. Aua sa le mafai e na auala ona taofia le sosolo mai a le sisi Aferika. Na matua vailiili ma vele uma laufanua na uluai maua ai sisi. E lei manuia foi.
Ae ua faasolo lava ina sosolo i nuu tu taulaga ma fetolofi atu i le talafatai, o Upolu ma oo atu i faatoaga. Ma soo ai Upolu.
Ua amata ona fululu faapitoa lalo o taavale uma e malaga i le vaa mo Savaii, ina ia faamautinoa lava e leai se sisi e pipii atu i loli ma taavale uma e malaga i Salafai. E lei manuia lava. O le siliga tali i seu o na taumafaiga taumafaiga, ae ua sosolo lava le sisi ma ua tuu sa’oloto loa taavale e o i luga o vaa e oo mai nei.
Sa oo lava foi ina faatauvaga le aoina o le sisi afelika, ma ua tele foi metotia sa faaaogā.
E aofia ai le asu mai o paelo sami, e ao iai le sisi. O isi ua na’o le ao lava ma lafo i tafunai.
O le fesili lea ua talanoa ai le toatele, “o afea e oo mai ai le loi mūmū i Samoa.”
O le loi mūmū ua lipotia le maua ai nei i laufanua o Amerika Samoa.
I mataupu faapenei, o manu faalafua, Ua uma ona tapena e lemalo se komiti.
E taitaifono ai le matagaluega o leofisa o faatoaga, aua o le latou matafaiaoi o le puipui lea o faatoaga.
Ua iai le faamoemoe o lea komiti, ia faalauiloa le tulaga ua iai le loi i Samoa, ina ua logo mai le maua o le loi i Amerika Samoa.
Ae o tapenaga o le faia o auala e aua ai nei oo mai le loi i Samoa. ae a tamua i faalauiloa, i tagata femalagai, aua o avanoa nei, e mafai ona oo mai ai le manu faalafua lenei i le atunuu,
E mafai ona oo mai le loi, laau, ma iesamoa, ua taofia pemita ia, ua taofia pemita o mea nei, e taofiofia pea le loi lenei i Tutuila,
Ma le faaaogāina o iniseti, e moni lava e le tele sona tineia atoatoa, ae e mafai ona faaaogā e fana ai faamomoli o aumai mai fafo.
Ua faatalosaga foi Tutuila, e fai se eutanaiga, e tatau ona malosi latou, e tatau ona latou faia aua nei alu i fafo, ia taofi pea i Tutuila,
O aafiaga o le loi, ma le vaavaai iai a le komiti, pei ona aafia ai Guam, Solomona ma Vanuatu, e aafia ai fanua, ma mea totino, ae o le soifua maloloina o le tagata.
O le faiga o le loi lenei e ninii tele e faigata ona iloa gofie, o loo taufai fesootaiga ma Tutuila, ise avanoa e o atu ai tatou, e vaavaai iai, e foliga mai e lua eka laufanua o Tutuila ua aafia i le loi.
“e soo se oloa lava, e oo lava i le tagata e mafai lava ona auala mai ai le loi, ma e le na’o Amerika Samoa o loo maua ai le loi, e ao foi ona mata’itu tagata e ulufale mai i le malaevaalele ma vaa sami. “O tapenaga a le malo, ua faagasolo nei, ae o le talosaga i le atunuu, e lavaonosaia galuega faalauiloa o loo faia i le taimi nei. Ae o lona faigata, ona e ninii tele.
