Na tu nei i luga le toeaina, ua faamau lelei ona seevae ma toe faamaulu lelei lona ofu mafanafana, ona savali ane loa lea i fafo ma agai atu i le itu o loo iai le tuugamau o si ona toalua, ma e oo atu lava le toeina o loo tagi aueue mai lona atalii. “Atalii, nofo i luga ta o i le fale ua malulu.
Sei oo taeao ona e toe sau lea e ta‘u uma i si ou tina ou lagona mafatia.” E fai lava upu nei o le toeaina ma punou ifo i lalo e tau faatu i luga si ona atalii, ma o le taimi lava na tulai ae ai le tama ma pipii mau ae i lona tamā, na la taufai fusifusi ai lava ma fetagisi mo sina minute, ma la savavali faatasi atu ai loa i le fale.
