Ta‘ua e Vili Ieru le lē malolo o le telefoni ma le text a le mamalu o le atunuu pe mafai ona fai se Vaega 2 o le ata e pei ona ta‘ua i luga. Molimau Vili, ua ova ma le 500 ni manaoga ua faaoo mai.
O le tali o le a taatia mai lo outou fanoga e sau se aso. Talu ai o le fuafuaga a le Vision Pictures Ltd e taitasi vaega o ana ata talu ai le tele o faitioga i le fiu e faatali vaega o nisi o ata. O Samoa e lē manao e faatali umi i se mea e manao ia maua nei lava le tali o se tala poo se fagogo.
Talu ai foi ua uma ona fuafua isi ata e pueina i se taimi lata mai, e pei o le ‘Toe foi le tama Savaii’ lea e sau i tua i se taimi o le tausaga nei. Ae onosai mai le atunuu, faafetai foi i lo outou lagolagoina o nei taumafaiga.
O nai lapataiga afai tou mananao ia faifai pea nei tautua, e tāua lava le faatau o sau lava ata e te matamata ai auā o lou sao foi lena i le faatupeina o isi ata. Ae afai e fiafia e borrow ata a isi e matamata ai, e iai le aso e lē faia ai ni ata ona o loo faamoemoe le faatupeina o le isi ata i tupe e maua mai i le faatauina o nei ata tifaga Samoa.
E ao ona silafia e le atunuu, e fai lava si taugata o le faatupeina o le pueina o se ata. O loo faatauina nei le ata i Sydney i le 30 Boldrewood Blackett Mt Druitt, pe vili le susuga Vili i le 0470440669 auā e faauma i le Aso Faraile nei, aso 24 o Me le faatauina o lenei ata. Ae momoli atu le faafetai tele i le Atunuu i le talisapaia mai o le galuega a le kamupani na saunia lenei ata tifaga Samoa.
