A o agai atu i le tau afiafi o le a goto le la o lenei tausaga, na semanu a misi atu ai ma nei faalumaga faaleagaga suifefiloi na momoli e autalavou a o silamio ma lologo le faafofogaaga a le Sinoti atoa a Kuiniselani ma ē sa auai.
E maeu le logo mālie ma le fegauiai o siufofoga o Autalavou taitasi ia latou pesega, ua tatau ai lava ma onomea ona faagasolo ma faia se latou CD tuufaatasi.
E lē gata o le felanulanuai o togiga ae o le saunia lelei o soo se tapenaga na taulai uma i ai le silasila a le aumaimoa ma pei ai lava ua na o se itula na faagasolo ai.
E ui ina lē pa‘au mai le Matagaluega i Cairns, peitai na atoa tino o Vaatausili ina ua potopoto uma Autalavou e sefulu aemaise o le faamaopoopo a Tausi Matagaluega taitasi ma faletua, le ofisa a le Autalavou ma le Sinoti, afioga i le Sea &faletua ma le faamalumaluga a nai faletua manumalo malolo faapea le loaloa o le Ekalesia i ona tulagatofi.
O le auga lava ma le sini sa faamamafaina, o le saga faamausaliina ma le tapueina o soifua auauna o tupulaga talavaou e ala i le faatinoina o taleni, pesega faaevagalia, tala faaleagaga ma lauga.
E taitasi i le tausaga ma faia, sa faapea ona faia le laugatogi o galuega faaletausaga i faagaioiga tau autalavou ma Aoga Aso Sa, ma tufatufaina ai le tele o faailoga taualoa, aemaise le tauaaoina o faailoga o taaloga o le tausaga faale-Ekalesia, sa tulimatai i ai le tele o talavou.
Autalavou Amio Tausaafia ma maopoopo – Autalavou a Rekilifi. Autalavou ua latou maua le Taulaga o le Tausaga – Peresepene. Autalavou ua latou maua le Talita o le Tuufaatasiga – Maua lea e Petrie. Autalavou o le Tausaga 2010-2011 – Maua lea e le Autalavou a Moreton Bay.
O talavou ua la maua le Talita o le alualu i luma le taumafai i aoga faale-Aoga Aso Sa, ua maua lea e Jesse Tagatanuu mai Petrie ma Carlene Tiata mai Peresepene. O le sili aoao i le Vasega 10 i le Sinoti aoao i Kuiniselani ua maua lea e Nerissa Lene mai Petrie.
O faamasino sinia o le tauvaga, o le afioga i le Sea ia Rev Soafa ma le faletua ia Logotaeao Mulipola, faapea faafeagaiga ma faletua manumalo ia Tausaga Faaniniva, Siniu Tupu Tuia ma Fanua Faaiu Su‘a.
O le Pule o autalavou poo le taitai i Kuiniselani, o le susuga ia Rev Moloka Toleafoa. Failautusi o le Komiti o Autalavou – Selesele Mafi Asiata. Teutupe – Tota
E momoli le agaga faafetai i le susuga i le Aao tusitusi o le Sinoti a Kuiniselani Rev Ioane Tuupo ona o le lagolago mai e faafaigofie tulaga uma.
Tauvaga Pese Lotu: Tauvaga Faa-Evagelia:
1. Tulaga tutusa ai Logan City ma Peresepene 1. Inala
2. Rekilifi 2. Logan City ma Peresepene
3. Tutusa uma ai Autalavou e 7 3. Moreton Bay
Tauvaga Taleni: Tauvaga Solo Faitaga:
1. Peresepene, Petrie 1. Peresepene
2. Akesa 2. Camira ma Maugakalaveti
3. Tutusa uma ai Autalavou e 7 3. Browns Plain
