“Na ma masani a o avea a‘u ma Pelesetene o fusuaga i tausaga ua mavae”
Na muai taunuu i Samoa le alii Siamani o Ron Kubik o se tagata faaali oloa poo se salesman, a o nofo o ia i le atunuu o Tonga.
O se tasi o ana malaga mai i le atunuu na fai feagaiga ai ma se tagata faipisinisi i Samoa i le faatauina o nisi o ana oloa. Peitai na lē totogia e le faipisinisi oloa ma saili fesoasoani aiRonileafiogailepalemiaaotaimiiaoloo avea ma faipule o le Palemene na te lei umia ni tofi minisita.
O le taimi muamua lea na feiloai ai Tuilaepa ma le alii Siamani seia oo ina siitia mai Tonga Ron ma nofomau i Samoa i ni tausaga mulimuli ane ai.
O le maliu o le alii Siamani sa tapena e le Palemia le polokalame atoa i lona toe sauniga. O ia foi na molimau muamua ma faailoa i
le mamalu na auai i le falemaliu o Pa‘u Sefo i Tafaigata, o Ron Kubik na faafaigaluega o se tagata pueata mo taimi e manaomia ai i sauniga eseese a le Malo ona o ata pue e avea ma pine faamau o vaaiga o ia sauniga auā le lumanai.
O le taimi o le afioga Tofilau Eti Alesana na amata avea ai le alii Siamani ma pueata mo lea taitai o le Malo, ae o le taimi ina ua tulai mai le susuga Tuilaepa i le tofi Palemia na ia manatu e tāua ata pue nei ma ia tuuina atu ai i le kapeneta le faafaigaluega o lea alii o se part time photographer lea na galue ai seia oo lava ina maliu i le aso 28 o Tesema 2013.
O le taimi na gasegase ai Ron ma taofia i le falemai i Motootua, o le Palemia na saili fesoasoani i ai lana fanau mo se laveai. Na molimau Tuilaepa sa faia feutanaiga mo le aveina i fafo o le alii mo ni togafitiga, ae o le fautuaga faafomai a le minisita o se fomai, na
lē faatinoina ai.
O se fautuaga na viia e le Palemia ona e lei
leva ni vaiaso talu ona tea i tua ma le falemai Ron, ae toe faataotolia ma oo ai lava ina maliu i le gasegase o le kanesa, o se gasegase e lei faailoaina e le alii i lana fanau ona e faapea sa musu e faapopole ai i latou ona sa manatu lava o ia e lē o iai se afaina tele i lona soifua maloloina.
E maliu ua 75 tausaga o lona soifua ma o se tasi e silafia e le toatele ona e lē gata o lana
pisinisi aisikulimi ae o lona tomai o se pueata. E toaono lana fanau ma ua faiaiga nisi ma maua ai ni fanau a lana fanau se toatolu.
Na ta‘ua e le Palemia e iai le isi toalua o Ron i Tonga ma lana fanau, ae ina ua sau i Samoa sa faia ai foi se isi ona toalua i le faamatalaga a le Palemia i lana molimau, o aga lava ia ua masani ai tagata faaali oloa pe a malaga i nisi atunuu ia latou pisinisi. O lona manao ia faaliu efuefu lona tino e pei ona faatino ina ua mae‘a ona sauniga mulimuli.
