Vaaia le tulaga mataina i le nofoaga o loo faagasolo ai nei le taamilosaga lakapi a le Auckland Samoa i le Aso Toonai na se‘i mavae atu nei, e lē gata i le atoatoa saunia ma le tapenaina lelei o malae taalo ae o se vaaiga matagofie i le felanulanuai matagofie o togiga o ‘au taitasi.
I se feiloaiga ma Aiolupotea John Roache na faaalia ai le fiafia tele o le alii Peresitene i le amataga o taaloga o lenei tausaga, i le siitia o kalapu taitasi ia latou sauniuniga mo le taamilosaga.
O se fesoasoani malosi foi lea i le komiti ina ia sologa lelei le faagasologa o taaloga i le tulaga pulea lelei.
Sa faatumulia soo se vaega o le malae mai lava i le amataga o taaloga seia oo ina ua taualugaina i le taaloga o le talita. I le taualugaina o taaloga i lea afiafi na molimauina ai e tala i taaloga le pulea lelei o tapuaiga a ‘au e lua. Sa taputapuai nonofo a o faatino e alo ma fanau mai afioaga e lua taaloga mulimuli.
Na mataalia alii laufali faapea foi alii tafu‘a ma sa atoatoa vaega ma faaiuina lelei vaiaso muamua o taaloga sa feagai ai.
O se vaaiga la lenei i iuga o taaloga i le vaiaso ua tea, faatasi ai ma le faasologa o taaloga o le vaiaso nei:
