O le po o le Aso Toonai aso 16 o Iuni na faia ai le faafiafiaga tele a le kalapu a le Peace Maker o loo iai foi nisi o tamalii ma failauga o le atunuu.
O lenei lava kalapu o le auga o aute o la latou faalapotopotoga ina ia faia ni a latou teuga tupe auā nisi o fuafuaga mo alo ma fanau i le faaiuga o le tausaga aemaise o le lelei lava o aiga e ala i le tele o vaega seleni e mafai ona sefeina.
O le Faatamā o le afioga ia Leaupepe Manao mai Faleasiu, Peresitene o le tofa ia Matafeo Lio Samaila mai Leulumoega ma Lano, o le Teutupe o Limaiva Faaeteete mai Faleaseela Lefaga, o le Failautusi o Tava‘e Televave o Salelavalu.
E 12 i latou o auai i lenei kalapu ma oloo vaaia lava le alu alu i luma o a latou taumafaiga uma.
O nisi o i latou e aofia ai le susuga ia Isaia Tolu (Tiavea); Peau Fou (Lalomauga); Misa Loto Feaii (Siufaga Falelatai); Richard Situlia (Taufusi); Miracle Teva Nai (Faleasiu); Tony Epa (Lano); Lima Mataafa (Faleasiu); ma le tamaitai o Pesio Savea mai Falefa.
Sa faafiafiaina e le faaili mālie a le Ululama lea o loo faatamā ai le susuga ia Epa Gago mai Lano Savaii.
