O le alii Samoa Niu Sila, “The Super Samoan” o Mark Hunt, o loo faaauau pea lona matautia ma le malosi i le taaloga o le kickboxing. O le Aso Toonai na toe manumalo ai foi le “Super Samoan” i le tu‘ioti i le la fetauiga ma le alii Holani o Setefan Struve (29-6) i le UFC on Fuel 8 i le Saitama Super Arena i Iapani. Na tugā le lavea a le alii o Struve foliga ua gau ai le auvae, ae o le fā ai lea o manumalo sosoo a le “Super Samoan” ma ua tietie ai nei i le vaega pito maualuga o le paga mamafa i lea taaloga kickboxing.
