Ua iu le tausinioga na taulauga ai le vaiaso o le Teuila, le sailiga o se Tausala o Samoa, ma ua manumalo ai le tamaitai o Jacinta Bourne mai Leauvaa, sa lagolagoina e Le SPA le Lalelei o Samoa.
O le taunuuga lea o tapenaga a tamaitai e toaiva na tausinio e aofia ai tamaitai mai Niu Sila, Ausetalia, ma le Iunaite Setete o Amerika lea na mau tulaga uma i le faaiuga a faamasino.
Winner: Jacinta Bourne – Miss Le Spa le Lalelei o Samoa
1st Runner Up: Hope Tusisalei‘a Pomele – Miss Samoa USA
2nd Runner Up: Tavalea Nilon – Miss McDonalds Family Restaurant
3rd Runner Up: Christina Tulipe Faafili – Miss Samoa New Zealand
4th Runner Up: Grace Alai – Miss Samoa Australia
O le Aso Toonai, 5 o Setema 2009 na tufatufa ai faailoga mo tamaitai na tauva i le faleaiga o le Sails Restaurant o loo i le Penisula i Mulinuu ma taape ai loa le fuamanusina.
O se tauvaga sa mataina tapenaga uma a tamaitai sa tauva e ui e iai nai faaletonu na aliali mai ma toe suia ai le tamaitai tauva mo Ausetalia, lea na avea ai le tamaitai o Grace Alai Schmidt, ma sui o le tamaitai na malaga muamua mai. E oo mai lava i le taimi nei e le o maoti se mafuaaga na suia ai tamaitai tauva mo le tausala Samoa mai Ausetalia.
O le tamaitai ua faapaleina e avea ma Tausala o Samoa sa aoaoina i le Kolisi o Sanele i Moamoa a le ekalesia Katoliko. “Sa ou ola ae i lou aiga ma lou nuu o Leauvaa ma aoaoina au e nai ou matua i tiute ma matafaioi a le tamaitai Samoa”, o lana faamatalaga lea i le upega tafailagi a le Pulega o Tagata Tafafao o loo faalauiloa ai tamaitai na tausinio.
“Ou te fiafia pea ou te ola i se olaga e faavae i tu ma aganuu a lou atunuu pele o Samoa”, o le isi lea ana faamatalaga. E fiafia tele foi Jacinta Bourne e galulue faatasi ma tupulaga o lona nuu.
Faailoga Faapitoa:
Best Traditional Wear: Miss McDonald’s Family Restaurant Tavalea Nilon
Best Puletasi: Miss Le Spa Lalelei o Samoa, Jacinta Bourne
Best Talent: Miss Le Spa Lalelei o Samoa, Jacinta Bourne
Best Interview: Miss Samoa USA, Hope Tusisalei‘a Pomele
Miss Photogenic: Miss Le Spa Lalelei o Samoa, Jacinta Bourne
Miss Personality: Miss Siva Afi, Lagitoaolealofa Vaelu
Best Sarong: Miss Le Spa Lalelei o Samoa, Jacinta Bourne
