E lē gata i le lakapi liki toe see mai i le lakapi iuni ae o lea foi ua naunau lenei alo o le atunuu, le alii o Sonny Bill Williams, e fia taalo i lea foi taaloga o le fusu.
O le afiafi la o le Aso Lulu, aso 30 o Iuni i Gold Coast sa faataunuuina ai le fusuaga a le susuga ia Sonny Bill Williams. E pei ona silafia o le lona lua ai lenei o fusuaga a Sonny Bill talu ona faaaogā lona tomai faataaloga i le fusu ma ua a‘e manuia uma ia taumafaiga.
Na ta lē logo ma amata le taaloga, o inā na iloa ai e matuai maoae tele se agavaa o le susuga a Sonny i lea foi taaloga, lea e mafai ai ona ia faatoilalo ana paga.
O le alii o Sonny Bill Williams e na o le 2 minute ma sekone e 30 i le taamilosaga muamua na pakaka ai e lona taumatau le alii o Ryan Hogan ae fai ifo lona malosi ma faatofā mai ia Williams.
