Manumalo Moataa i le Talita

O le aulakapi a Moataa, le Togoa‘asa, na manumalo i le talita i le faaiuga o le vaiaso talu ai, i ‘ai e 15 Moataa i le 10 a Malisi. E uma le ‘afa muamua o sili ‘ai o Malisi, e 10 i le 3 a Moataa. Peitai na toe malosi le osofai mai a le Togoa‘asa i le ‘afa lona lua, ina ua avatu i totonu le alii o Steven Fualau, lea o loo taalo i le Crusaders, ma se‘ia ai loa le talita sa ia Malisi, i ‘ai e 15 i le 10. Ua sauni atu nei Apolima i le iuga o le vaiaso nei, e lu‘i le talita mai ia Moataa. Faaalia le agaga faafetai o le kalapu lakapi a le Togoa‘asa i le lagolago mai a latou sponsors, le Tamasa Trust, le Samoa News ma le Langi Sports.