Ua atili mausali ai le mafutaga faaleulugalii a le susuga ia Kosema Tomenito Tuimavave o le tamā 37 tausaga mai Amaile i Aleipata ma si ona faletua ia Aivi mai Mulifanau, ma le fanau e toafā ina ua faamanuiaina i le se‘i o le taavale a le faataavale a le Primoz lea o loo pulea e Dean.
O le taavale e tusa lona tau ma le $12,000.00 pe a faatupeina, o le ituaiga o le Holden Barina Spark, fausaga o le 2010. Na ta‘ua e Kosema faatoa taunuu mai Niu Sila o loo tau faamautu le aiga i totonu o Brisbane, ae o se fiafiaga ia i latou le maua o lenei faamanuiaga.
Na faatalanoa le susuga ia Kosema ma ia ta‘ua ai le faateia o ia i lenei se‘i auā sa mamao lona manatu na te maua lenei taavale ae faafoi ai pea le viiga i le Atua.
