O se aso fiafia na aofia potopoto ai uma aiga, o uo, o aumea mamae aemaise le Ekalesia a le tamaitai o Judith Godinet, ina ia patipatia ma faamanuia atu i lona aulia ai o le 21 o tausaga o lona olaga, lea na faamanatu i le Aso Toonai na tea nei, aso 15 o Setema.
Na muamua lava foi i le sauniga lotu o le agaga faafetai ma le faamanū i le Tapaau i le lagi, ona o lana pule ma le tausiga alofa lē faatuaoia i le uo agamalie, o se uso tausaafia, o se talavou faamaoni aemaise o ia o se purinisese e pele i si ona tina o Florence.
Na sosoo ma le foai atu o le Ki e fai ma faailoga o lona teine matua e tusa ma le tulafono, faatasi ai ma le feulaina o lana keke matagofie, ona alo ai lea o le valaaulia, aiga ma le Ekalesia i le taumafataga felanulanuai.
Ia tumau lou teine lelei Judith, tumau lou alofa ia Mum aemaise ou aiga uma, ae ia faasilisiliina ai lou olaga auauna i le autalavou, ma lou alofa ia Iesu lou Alii Faaola.
Always love your smile. Alofaaga o uncle Tone, Pepe Tua ma Vai.
