E ui o loo tulituli pea e le Parramatta Eels le saini a Sonny Bill, ae ua atagia mai foi le mananao o le Roosters e maua SBW.
E $1.2 miliona ua ofo mai e le Kalapu Lakapi Iuni a le Panasonic i Iapani e taalo ai SBW mo ni taaloga se 12 mai le masina o Setema 2012 agai atu ia Ianuari 2013.
O lona uiga a sainia e le Roosters SBW e tatau ona maualuga atu se tupe mai le ofa a Panasonic.
Ua faaalia e le puleaga a Sonny le taumafai e faapupuu konekarate a SBW ina ia fetaui ma isi ofa lelei toe maualuluga mo le lumanai.
Ua faia lea tulaga talu mai le umi ona sainia e le Bulldogs o SBW i le 2008 i se tau maualalo lea na mafua ai le savali ese o Sonny mai lea konekarate.
O le tausaga lava lea na malaga ai SBW e fai lona tusifolau Samoa e mafai ai ona taalo mo Toulon i Farani ma saoloto mai ai i noataga a le NRL.
