Ole tasi lea taaloga faigata sa iai le vaiaso lona tolu ole taamilosaga ale Aukilani Samoa e pei ona faatinoina ile vaiaso ua mavae o le taaloga lea ile va o le Laumua o Tumua mai Afega male Tamā ole Moatoga.
Ole Laumua o Tumua ose tasi lea o aulakapi ua leva i totonu ole taamilosaga ae oloo vaaia pea le malosi o lana finau auā se ‘ai mole tapuaiga ale nuu, ae peitai e moni ai le upu e lē mua uma ni vaa.
Ole tasi lea taaloga sa tala malae iai faagatama ile Aso Toonai ua mavae ole taaloga lea ile va o Afega male Tama ole Moatoga, ile malae numera 1.
E lei faiogfie i ‘au e lua ona finauina le taaloga auā e taufai tutusa uma le lapopoa male malolosi o ‘au, aemaise lava ile laina i luma. Ma e fefiloi ai le upu, ole ‘au lava e faatamala ole ‘au foi lena e faia‘ina.
Ole lima minute ole ‘afa muamua ole taaloga ae laasia loa ele numera 11 ale Laumua o Tumua le laina sikoa male kiki ile pou na ova ma tulai mai ai uluai ‘ai ole taaloga ia Afega e 7 ile leai a Tama ole Moatoga, ae na faateia le aumaimoa male autapuai a Tama ole Moatoga ile toe kiki mai ole polo mole toe amatalia ole taaloga ae pasipasi atu ai Tama ole Moatoga ma laasia ai le laina sikoa male kiki ile pou ile taimi lava lea ile ‘afa muamua ma tutusa ai ‘ai.
E mae‘a ane le taaloga oloo tumau pea le finau o ‘au e lua ae ua sili ai ai o Tama ole Moatoga ile 19 ile 15 a Afega.
E ui ile malolo ae sa malolo lava faatamalii faatasi ai male toatoa ale tapuaiga ale mamalu ole atunuu sa molimauina nei taaloga ile malae i Aorere.
Iuga o Taaloga Aukilani Samoa
Henderson Cars Pool A
Marist Old Boys 38 – Mountfort 23
Apia Maroon 31 – Auckland Res 10
Sataoa 30 – Nonoa 8
Laulii Lions 51 – Iva 18
ACC Pool B
Saleimoa 28 – Nations 21
Tama o le Moatoga 19 – Laumua o Tomua 15
Nofoalii 46 – Faleula 20
Moataa 30 – Tama o le Lava 14
Taaloga mole Aso Toonai 17 o Setema
12pm
Saleimoa vs Faleula – Field 1
Mountfort vs Nonoa – Field 2
Laumua o Tumua vs Nofoalii – Field 3
1.30pm
Nations vs Moataa – Field 1
Laulii vs Sataoa – Field 2
Apia Maroons vs Iva – Field 3
3.00pm
Tama o le Moatoga vs Tama o le Lava – Field 2
Taaloga o le talita
Marist OB vs Auckland Reds – Field 1
