Faafetai tele Jadrah mo lou faamalosi ma lou finafinau, ua mafai ai ona e ausia le tumutumuga o ou faamoemoega, ua e sapaia le faailoga ua faamanuiaina ai lou taumafai.
O le alii o Jadrah Tupa‘i na faauu mai le Victoria University i Uligitone, i lona faailoga, Bachelor of Commerce, Majoring in e-Commerce and Information Systems.
O Jadrah o se alo e faasino i le susuga ia Nome Tupa‘i ma le faletua ia Maria Vito-Tupa‘i. E toalua ona uso e matutua atu ia te ia, o Julian ma Tana.
E momoli atu la matou faamālō ma le faafetai Jadrah. Faafetai le tauivi, malo le finau, ua e faafiafia ia i matou uma o lou aiga atoa. Alofaaga mai ou uso ma ou tauusoga uma i Ueligitone, Aukilani, Ausetalia, Samoa
ma Amerika.
]
