O loo iai nei i Niu Sila le Afioga i le Palemia, Susuga Tuilaepa Lupesoliai Sailele Malielegaoi mo se feiloaiga ma Taitai o Malo o Toga ma Fiti, na amataina i le vaiaso talu ai ae faamoemoe e maea i le Aso Tofi o le vaiaso nei.
O lenei feiloaiga e pei ona faailoa mai e le ofisa o le Palemia ma le Kapeneta o loo fuafua e soalaupule ai ni faiga faavae mo le faaleleia o auaunaga a faalapotopotoga tumaoti poo private sectors a malo nei e tolu, e afua mai i le lipoti o le suesuega na faatautaia e le faletupe o atinae o Asia, le Asian Development Bank i Samoa, Toga ma Fiti. Ua manatu le ADB ina ia faatalatalanoa e taitai o nalo e tolu ni auala e saga siitia ai auaunaga a faalapotopotoga tumaoti.
O loo auai mai foi le Minisita o Tupe, Niko Lee Hang ma le Failautusi o Tupe le tamaitai o Hinauri Petana i le fonotaga, ona o mataupu faapenei e nafa ma vaavaaia e le Ofisa o Tupe a le Malo.
