Tusia: Titiula Tuigamala
Aukilani
O le taeao o le Aso Lulu na se‘i mavae atu nei, na tuuvaa atu ai i Fiti le malaga a le Au filifilia a Tamaitai Samoa Niu Sila.
O lenei malaga o loo faaautū i le faamanatuina o le 50 tausaga i lona tutoatasi, o nisi o nei tamaitai o loo taaalo i kalapu iloga i Niu Sila aemaise ai foi le taamilosaga NPC a tamaitai i Niu Sila.
O lenei ‘au na filifilia mai i Niu Sila faapea foi Ausetalia, o loo tele foi le tomai i le toatele o le ‘au.
O le taaloga muamua o le aso 3 o Novema 2012, ona taualugaina ai lea i le la taaloga ma le ‘au filifilia a Fiti.
O loo iai le faatuatuaga a le alii faiaoga ia Nick Bakulich e manuia le malaga taamilo i le motu o Fiti e aoaoina ai foi nisi vaega mo le taaloga.
Ua faamoemoe e toe taliu mai i Niu Sila lenei ‘au i le mae‘a ai o ia taaloga.
Lisi o le Au: Rona Mulitalo, Aldora Itunu, Faamoana Leilua, Sosefina Leaitua, Ala Leavasa, Luisa Avariki, Piuti Samuelu, Natahlia Moors.
