Na faailogaina le atoaga o le tausaga o le Mafutaga a alo ma fanau o Mailata Mano Tootoo & Saunoa Taupau mai Salua, Manono. O le susuga ia Rev. Steven Tema sa taitaia le sauniga e tatalaina ai le faamoemoe. O le susuga Rev. Steven Tema o loo galue nei o le Sui pule mo le Wesley College.
O le Fofoga o le aso sa nafa lea ma Taupau Ulalei Opapo mai Ausetalia, o ia sa saunoa e faafeiloai le paia o le aufaigaluega a le Atua, uo ma ē masani sa auai mai i lea aso. Sa faapea ona lelei atoatoa le faagasologa o polokalame, atoa ai ma le telē o le taumafataga sa saunia lelei.
O le faaiuina o le aso sa saunoa ai Taupau Mulipola Afano, e faafetaia le paia tele o le atunuu aemaise le aufaigaluega paia a le Atua sa auai.
O le laulau o le mafutaga: Faatamā – Taupau Oliva & tina Sina, Taupau Loivaa & tina Selau, Taitaifono – Taupau Malaga Farani, Sui Taitaifono – Taupau Taumaloto, Failautusi – Toaiva Taito ma le Teutupe – Taupau Samuelu Makesi Neemia.
