Mae‘a suega Aoga Aso Sa Ekalesia Evagelia Uesiliana Metotisi

O le tupu ma le ola o le galuega a le Atua, o tupulaga fai a‘e a aiga, nuu ma ekalesia, e pei ona faataunuuina ai le suega a Aoga Aso Sa o lenei tausaga a le faasinoti ekalesia Evagelia Uesiliana Metotisi, lea o loo taitaia e le susuga ia Rev Paulo Ieriko.
O le faatonu o Aoga Aso Sa ma autalavou a le ekalesia aoao na malaga mai Niu Sila e faatautaia suega, le susuga ia Vi Amituanai faatasi ma le lagolagosua a faifeau i Brisbane.
O le afiafi o le Aso Sa aso 4 o Aukuso, sa faia ai le lotu tuufaatasi sa taitaia lava e le faatonu  ma faamavae ai a o lei toe taliu le uto Niu Sila.
O le aso 27 o Setema agai atu i le amataga o Oketopa o le a usuia ai le fonotele i Niu Sila, lea faatoa maua ai le iuga o suega a ekalesia aoao e aofia ai Samoa, Ausetalia ma Niu Sila.
O le afioga i le Sea o le Ekalesia Evagelia Uesiliana Metotisi a Kuiniselani, o le susuga ia Setu ma le faletua ia Lemau Moefaauo.
O nisi faafeagaiga o le susuga ia Koneferenisi & Avaiū Tauvao faapea Siaosi & Taatia  Mavaega, o nisi na o faifeau o loo tausia aulotu e tolu i ai ekalesia a Kuiniselani.