Sa faafesootai e lenei leoleopo litaea le ofisa mo le lauina o numera, ma e faatolu ona vili le toeaina ma lau mai numera ae lei talitonu o ia, sa malaga ai loa i Salelologa i le Lala na faatau ai le pepa, ma o inā na faato‘ā talitonu ai.
E to‘avalu (8) alo o le tama ma le tina o loo aumau uma i atunuu mamao.
I se faatalatalanoaga ma le alo tama o lenei tamā na oo mai ma le tina, “Na matou laiti mai lava o taalo lo‘u tamā i le Lotto, ma ou te talitonu o se faamanuiaga lenei mai le Atua, ona o o‘u mātua e ese le lima foai i totonu o le matou aiga, aemaise le lotu.
I se faamatalaga a le tina “O lo‘u toalua e toaga lava e taalo i le Lotto, o le tolu ai lea o tausaga o ave lava ana numera ia, tiga ona leai se matou tupe e nanā lava e le toeaina e totogi ai ana pepa o le Lotto.
O loo iai le fuafuaga a le aiga e faatau se taavale fou, se pikiapu auā le faaaogāina i la latou pa povi, toe faatelē le fale ma nisi suiga i lo latou fale na fauina e le fanau mai fafo.
O loo iai foi le faamoemoe e faaliliuina se vaega o nei tupe e tufatufaina mo le fanau o loo aumau i atunuu i fafo, ona o i latou lava ia o loo tausia mai laua aemaise le atina‘eina o le aiga.
E 30 aso o loo faagaioi ai le faamaonia o lenei pepa ona tuuina loa lea i totonu o le tusitupe a lē ua manumalo.
O lenei foi taimi ua tuuina atu mo le aiga e fuafua lelei ai le faaaogāina o la latou seleni ina ia aogā lelei ina ia manatua ai pea lenei manumalo.
O le manulauti o nei taaloga o matematega ina ia maua ai se suiga tāua ma le aogā i le atina‘eina o o tatou aiga. Aemaise o le atina‘eina o a tatou tamafanau i soo se taaloga aemaise ai o galuega alofa tuuina atu mo faalapotopotoga tumaoti tau atia‘e.
