Lūlū ma loimata, selesele ma le fiafia – Faauuga Politekinika a Whitireia New Zealand

E 522 le aofai o le aufaauu na maua tusipasi, tipiloma ma faailoga(degrees) mai le Vaega tau atisi(Faculty of Arts), Vaega tau Pisinisi(Faculty of Business) ma le Soifua maloloina(Faculty of Health), i le faauuga a le Politekinika a Whitireia New Zealand i le Aso Faraile na tea nei i le Te Rauparaha Arena i Porirua.

O se faauuga pito i toatele lea ona sa faapea e mae‘a i le lua itula ae na uma lelei le tolu itula o faasolo pea le lauina o le aufaauu. Na matuā faatumulia ai le maota o le aai i aiga ma uo faapea ma le aufaauu i lea sauniga tāua. Sa faapea foi ona auai uma le Komiti ma taitai o le Aoga aemaise o le aufaigaluega atoa i soo se matata.

E ese foi lagona o le fiafia ma le faagaeetia na faatumulia ai mātua ona o fanau faamanuiaina aemaise foi o faiaoga ina ua vaaia le faaiuina manuia o i latou na latou a‘oa‘oina. O se tulaga faafiafia loto le toatele o ni alo o Samoa na faauuina ai mai matata eseese sa aotau ai. O suafa nei:

 

Bachelor of Applied Arts (Creative Writing): Feterika Sao

Bachelor in Performing Arts:

Seluia Judy Iva, Sina Leasuasu

Bachelor of Applied Arts (Visual Arts and Design):
Aiga Maiava, Mose Viliamu

Bachelor of Teaching Early Childhood Education:
Lemau E‘etau, Fuafetii Faatau,

Pepe  Viliami Fereti, Tovine Fiaalii,

Limasene Maila, Tamara Matamua,

Lesina Taala, Meleka  Tuiai, Faasee Vailepa

Diploma in Performing Arts: 

Leilani Karati

Diploma in Stage and Screen Arts:

Faavale Laurence Tua

Graduate Diploma in Applied Arts: 

Evan Setai Fuimaono, Ian Lesa,

Taofi Mose-Tuiloma, Jullien Nanai

Bachelor of Applied Business Studies: 

Ana Sua-Ulberg, Pepe Tupuola

Bachelor of Information Technology:

Lisa Totoa Aliva, Leutele Lucia Grey

New Zealand Diploma in Business:

Viliamu Duffy, Lucy Theresa Efaraimo, Rachel Telea

Bachelor of Nursing:

Elizabeth Mua

Bachelor of Nursing Pacific:

Maiane Aiolupotea, Logotuli Alosio,

Ioana Gaualofa, Rebecca Leaia, Fofogamanono Logovae, Isabella

Maposua Laulu, Misi Onesemo,

Tessa Petelo, Fetalaiga Taala,

Alamoni Tupou, Iefata Otineru Viliamu

Bachelor of Social Work: 

Etevise Ateli, Epenesa

Postgraduate Certificate in Primary Health Care Specialty Nursing:

Shona Tiatia

 

O le po o le Aso Tofi na faia ai le faauuga o tagata Pasefika uma i le maota fou o le itu i le soifua maloloina o le Aoga lava i Whitireia, ma o se sauniga matagofie ma felanulanuai faa-Pasefika. Na matagofie le faalaeiau a le Susuga i le Toeaina Rev. Tui Sopoaga.

O le faletua ia Pepe Viliami Fereti na fai ma sui o le ‘aufaauu Pasefika e momoli le faamalo ma le faafetai i faiaoga ma vaega uma o le aoga na fesoasoani i lo latou faamoemoe.

O se lauga na lelei saunia ma e leai se vaipanoa o le aoga e lei oo i ai le lagona faafetai, fiafia ma le faamalieina.

O le vaega o tagata faigaluega Pasefika o loo feiloai atu i atumotu eseese(Liaison officers) na latou tapenaina lea faauuga.

Malo lava le tapena. E momoli atu ai le faamalo ma le faamanuia tele i le aufaauu o lenei tausaga. Sa outou pologa i le ao ma le po i le taumafaiga o mea aoga (assignments), ae o lenei ua faafiafiaina ina ua maua le taui lelei i tusipasi, tipiloma ma faailoga.

Ua moni lava le upu: “O ē lūlū ma loimata, e selesele ma le fiafia”.