Lua masina e aveese ai se lotu Assembly i Tulaele

E lua masina ua ave e le faamasinoga maualuga i le aiga o Ulugia Laufili Nose e ave ese ai a latou meatotino e aofia ai ma se fale lotu o loo faia ai a latou sauniga tau i le ekalesia Assembly of God i Tulaele i le itumalo Faleata, ina ua talitonu le faamasinoga e leai se aia faaletulafono a le aiga i se vaega o le fanua e lua eka a le susuga i le faifeau EFKS ua maliu o Tapeni Ioelu. O se tasi o le aiga o loo tuu i ai le vaaiga o le fanua i Tulaele na ia ave le mataupu i le faamasinoga ona o se faatagaga a suli o Tapeni Ioelu o loo i Amerika Samoa, o i latou ia e ana le fanua o loo faafesagai ma le aoga tulagalua a Vailoa i Faleata.
O le mafuaaga o le finauga ona ua fai faamalosi e Ulugia Laufili o loo nonofo i le fanua talu mai le tausaga e 1996, se fale i se vaega o lea fanua umia saoloto poo se freehold property ua avea ma falesa ua faatino ai a latou sauniga lotu. Sa finauina e le ua faatonuina e tapena ese uma a latou meatotino mai le fanua, e faapea o ia o se atalii o le e ana le fanua, peitai ua faaalia i faamaumauga a le faamasinoga e le moni lea mau, ona o ia o se vaetama o lona tina foi na vaetama e le faletua o le o loo tusi ai le fanua ua maliu. O ia vaetama uma e lei faatulafonoina ma e le talafeagai ai i lalo o aiaiga o le tulafono a le ofisa o tausi mavaega le Public Trust.