Lipoti a le Suetusi Sili – Ofisa o le Loia Sili vaitaimi na sueina 1 Novema 2013 – 31 Ianuari 2014

Loia Sili, Lemalu Herman Retzlaff
Loia Sili, Lemalu Herman Retzlaff

1. E 29,103.05 le paleni o aitalafu ua ova ma le 90 aso e lei totogiina. O le faatinoina o le aoina o aitalafu a Matagaluega o loo manino lea i totonu o Faatonuga a le Matagaluega o Tupe, e manaomia le tuuina atu e Matagaluega o tusi e faailoa ai aitalafu. A fai e le tali mai i totonu o le sefulu fa aso o le tusi muamua, e tatou ona toe ave ai tusi faamanatu, a le faamalieina lava le tali i le mae’a ai ole sefulu fa aso mai le aso o le tusi lona lua, ua tatau lona ona agai atu le mataupu i le Tulafono. O lenei mataupu sa lipotiaina muamua foi ae o loo tulai mai pea. I le taimi nei ua tausisia e le Ofisa le Vaega C.12 o Faatonuga a le Ofisa Tupe. O loo faaauau pea le mātaituina ma le faaleleia o auala ina ia mautinoa le tausisia pea.

2. E iai le aufaigaluega e lei saini i api saini ma e aunoa foi ma se faamauina poo faigaluega. E lei mafai ona mauaina pepa faamaonia  o aso malolo  a le aufaigaluega sa aveiina  i le taimi  na faatinoina ai la  matou suesuega. O api saini ma pepa o aso malolo ua iai nei i se tulaga lata mai ma ua faatinoina puipuiga e pei ona tuuina mai i le lipoti. O loo fai ma faatinoina ia siaki o paleni o aso malolo, tusilima ma faakomipiuta ina ia mautinoa le sa’o atoatoa o faamaumauga.

3. E iai oloa vave lona faaogaina e lei resitalaina i le api resitala. Ua iai nei le resitala a le Ofisa mo ia oloa. A mae’a ona siakiina ona tufatufaina lea i vaega taitasi, o le tagata ofisa e taliaina nei oloa o le a saini i le api resitala.

Ofisa o le Loia Sili mo le tausaga faaletupe na faai’uina i le aso 30 Iuni 2014

1. O le tele o aitalafu ua silia ma le 90 aso e lei totogiina lava. Sa lipotiaina muamua foi nei mataupu i lipoti ua tuanai. O le a siitia ai le le mautinoa o le toe totogiina o ia aitalafu. E tatau ona faaleleia gaioiga i le tuliloaina o aitalafu aemaise ai aitalafu ua silia ma le 90 aso e lei totogiina. O le taimi nei ua tausisia e le Ofisa le Vaega C.12 o Faatonuga a le Ofisa Tupe ma o loo faatinoina le tuuina atu o pili ma tusi faamanatu e pei ona manaomia. O le tele o aitalafu ua mae’a ona totogiina vagana ai isi aitafalu ua toe tuuina atu i le Faamasinoga. O loo iai pea faafitauli i Faamasinoga o tagi a le Malo i tupe totogi mai, i le faamautin oaina o le mauaina o pili e i latou o loo faasaga ai tagi. O le taimi nei e tusa ai ma faafitauli faaletulafono, e le mafai ona fesootai sa’o atu i le ua faasaga ai le tagi ae tatau ona auala atu i lana loia. A fai ua iai se suiga i loia sa iai muamu a, o le a tuuina sa’o atu loa e le Ofisa ia pili i e ua faasaga ai tagi.

2. E leai se resitala o faamaumauga mo faaputuga tupe mo mea laiti ma sa iai feteenaiga i le faagasologa o pepa totogi mo ia faaputuga tupe. O le tele foi o pepa totogi e lei faamaonia. Ua faaleleia nei ia Faaputuga tupe mo mea laiti. O loo teuina le resitala ma ua faanumeraina foi pepa totogi. O talosaga mo le faaogaina o nei tupe e tatau ona faamaonia muamua e Ulu o vaega taitasi ae lei tuuina atu i le Vaega o Tupe mo le totogiina.