O le tamaitai o Faapito Naomi Faatuai faatoa 17 ona tausaga ae sa avea o ia ma ta‘ita‘i tamaitai i le aoga a Glenala State High School ma o se tamaitai e molimauina e faiaoga ma puleaoga le alualu i luma o lona taumafai.
Sa faamanuiaina i se faaailoga faapitoa e pei ona avea ma Dux a le aoga i le 2012. O le isi tulaga na matuai faafiafiaina ai nai ona mātua, o le maua lea o lana sikolasipi e ulufale ai ma aoga fua i le Iunivesite a le USQ University of Southern Queensland i Springfiled amata i le 2012.
O fiafiaga sili i le aoga ona o Naomi o se uluai tamaitai lea a le Pasefika i lea aoga ua ia maua lea sikolasipi faapitoa (awarded the University Southern Queensland DUX award at Glenala 2012).
Na saunoa le pule aoga ia avea lenei faataitaiga lelei ua faataimua e Naomi, e mulimulitai i ai ona uso ma tuagane aooga o loo aotauina pea i lenei aoga auā e le gata ina fiafia matu, faiaoga, Samoa faapea i latou mai le Pasefika o aooga o latou alo ma fanau i soo se aoga. O le fua na e lulu e te toe selesele foi i ai. O si ona tamā o Pati Faatuai mai: Lotoso‘a Saleimoa ma si ona tina ia Nofo Faatuai mai Fagafau Savaii. O le tamaitai pule o le Glenala State High School o Ms Corrine McMillan. O le Pasifika Community Liaison officer, o Tagoiaega Bruce Manu-Sione (Fasitootai, Upolu).
