Na fiafia tele le toeaina i lana malu o le taeao na saunia e le faleaiga. E lua ana panikeke mafolafola, o lana bacon, ma lana ipiti laumoli na ota. Ua maea lana malu taeao, ona toe alu ane lea o Nora e faafoi ane le sui o le faatau a le toeaina.
“Tama, e iai se isi mea o e manaomia a o e lei tuua le faleaiga?” o le toe faamautinoa atu lea a le teine. “Leai Afafine! faafetai lava o lea ua ou maona, ae o le a ou toe foi i le fale.”
Ua tago atu le teine i le tootoo, ma tuu atu lona lima e pipii mai i ai le toeaina a o taumafai e tu ae i luga mai lona nofoa, ona tuu atu lea i ai o lona tootoo ma la savavali atu loa agai i le faitotoa.
Na tatala e le teine le faitotoa, ona taofi lea a o ulufafo le toeaina, “Tama, toe asiasi mai i se aso!” Na faliu atoa mai le tino o le toeaina ma ona foliga fiafia, “Faafetai lava mo lou agalelei,” ona savali ese loa lea.
Ua toe savali Nora i totonu o le faleaiga, ona faasasao atu lea e tapena le laulau sa tausami ai le toeaina.
Ina ua sii ae e le teine le ipu, na toetoe nofo lana manava ina ua ia vaaia se pepa, o se business card, ma ni upu o loo tusitusi i le pepa solo lea sa ia tuuina e faaaoga e le toeaina.
Ina ua piki ae e le teine le pepa solo sei faitau i upu, na faateia o ia na ua ia vaaia se tupe pepa e $100 lea na tatao i lalo o le pepa solo. Na tilotilo le teine i upu o loo tusitusi i le pepa solo e faapea…
