E ta‘i 4 tausaga ma usuia le fono tele a le Ekalesia Aso Fitu Samoa Tutoatasi i le lalolagi atoa.
O le fonotaga tele foi lenei e iloa ai le siitiaga o le aufaigaluega, faapea le toe filifilia o tofi o le Komiti Aoao a le lalolagi, e lē gata o le failatusi aoao, teutupe ma le sui teutupe, ta‘ita‘i autalavou, taitai sosaiete fesoasoani, ma nisi tofiga, faapea faafeagaiga o le a taitaia lea matagaluega.
O le ta‘ita‘i lava o le ekalesia aoao, le susuga ia Pastor Willie Papu Siofele ma le faletua ia Deeana Papu.
O le Sapati la na tea nei i le combine masani a le matagaluega a Kuiniselani, sa faaali uma ai tapenaga a le matagaluega a o faasauni atu ai mo lea fonotaga tele, lea o le a usuia i Samoa i le faaiuga o Tesema o le tausaga nei.
Na matagofie le lagiina o viiga o le Atua ma polokalame na mafai ona faafofoga i ai nisi sa auai faapea i latou e lē auai i le fono ona o tuatuagia.
O le ta‘ita‘i aoao o le matagaluega a Kuiniselani, le susuga ia Pastor Lagolago ma le faletua ia Puataunofo Levae. E 8 ekalesia taitasi o le matagaluega a Kuiniselani. O faafeagaiga taulagi, Pr Togamau ma Ianeta Tuia, Pr Faamalologa ma Tamara Fuesaina, Pr Jonny ma Fitulua Siofele, faafeagaiga ia Alesana ma Ane Simanu ma le susuga ia John ma Judith.
O le ta‘ita‘i toeaina ole matagaluega ole susuga ia Tamala Seumanu Folau ma le faletua ia Siulepa Fetoa‘i, ma le fesoasoani ia Maiava Suimai Tui ma le faletua ia Loi.
O le ta‘ita‘i autalavou a le matagaluega ia Ben Opetaia. O le pese faaleagaga sa a‘oina e le susuga ia Lesa Faaleaga ma le susuga ia Maa Togipau.
O le susuga ia Setiu Iakopo o le Pasefika news & Sports, o ia lea sa a‘oina le polokalame, faatasi ai ma le pese faaleaganuu, sa a‘oina e le ta‘ita‘i toeaina o le matagaluega, Tamala Folau Fetoa‘i.
O le a mafai foi ona maimoa ekalesia eseese mai Samoa, Niu Sila, Amerika, Hawaii, Tutuila ma nisi matagaluega a Ausetalia i le matagofie o tapenaga a Kuiniselani e pei ona maimoaina.
