Ua faailoa e le failautusi o le mafutaga a Tokelau i Sini le susuga Ted Pelasio le mafuaaga e lagolago ai pea e lo latou Asosi mea e fai a Samoa i Sini nei.
“E leai lava se Tokelau o i Sini nei ma Niu Sila e lei ui mai Apia pe na aumau foi i totonu o Samoa malaga tamai ai i fafo”. I Sini nei e pei ona faafofoga i ai le mamalu o le atunuu i alofaaga i luga o polokalame leitio mo nai uso Tokelau i lea vaiaso ma lea vaiaso.
O le ofisa o Tokelau i Savalalo o loo fesootai ai nai o latou tagata ma le motu. O le Aso Sa na tea nei i Sini na fono ai le mafutaga e talia so latou valaaulia mai le Asosi Tusitala i Sini nei mo Novema. O tausaga uma e auina atu foi autaaalo ma ausiva a lo latou mafutaga Tokelau i Sisigafu‘a a Samoa.