[et_pb_section fb_built=”1″ _builder_version=”4.3.2″][et_pb_row _builder_version=”4.3.2″][et_pb_column _builder_version=”4.3.2″ type=”4_4″][et_pb_image src=”https://www.samoatimes.co.nz/wp-content/uploads/2020/03/Untitled-7.jpg” _builder_version=”4.3.2″ hover_enabled=”0″][/et_pb_image][et_pb_text _builder_version=”4.3.2″ hover_enabled=”0″]
Ua faatutū ai nei faleie, ma tatau a latou fu’a o faailoilo poo banners a le SSIG i laueleele ma fanua lea o loo finauina e le aiga o Tokuma i Sogi. O le lagolago aloaia a le SSIG na amata mai i le Aso Toonai talu ai, ma faasolo ane ai lava i le Aso Sa na tea nei. Ma latou faia ai tolauapiga i maota o le aiga ma faleie o iai nei. E faaali atu ai le lagolago a le SSIG i tauaiga ae o fanau ma mātua o loo nonofo ai pea.
E talitonu le aiga lenei ua silia ma le 100 tausaga talu ona o latou nofoia nei eleele ma o matupalapala mai taitai o le malo o Samoa ua tuanai.
E lē o iai lava se faamoemoe o le aiga o le au Tokuma i Sogi e o ese ma le fanua lea ua poloaiina e le malo e faasee ese ona ua iai le manaoga e faaaogā ia laueleele i ana atina’e fai. Peitai pau le laasaga lea ua faia e le aiga o Tokuma, o le toe siitia lea o le latou finau ina ia nonofo ai pea i Sogi.
Na talanoa le tina ia Aiga Tokuma, “O le camp lea e fai e fesoasonai i le matupu tau eleele o le matou aiga, ua loa tausaga, selau tausaga, o matou nonofo ai pea ma tanu le eleele lenei.”
Ua toeitiiti uma ona tala ese maota o isi tauaiga o le au Tokuma, vagana ai le isi uso o Aiga ma ona tuagane ma fanau, e leai se faamoemoe e o ese.
Ma ua iai nei foi i Samoa le matai o le aiga, o le tuagane o Aiga, le Susuga Nanai Tokuma.
Na ia talanoa i lana fautuaga na faia i lona aiga, “ina ia aua aua aua lava ne’i o ese, nonofo ai pea i eleele ia.”
Peitai na talanoa le Peresetene o le SSIG le Susuga Fonoti, o le auga o le latou faalapotopotoga o le fesoasoani lea i aiga ma o latou fanua, aemaise le vaega o le tulafono lea e mafai ai ona faaaogā e le malo fanua mo ana galuega atina’e mo tagata lautele.
Peitai o se vaaiga fou lea ua iai i Sogi i le vaiaso nei, ua uma ona tala ese maota nai tafaala, le fale muamua lava i le itu taumatau. Ua toe lava o faavae sima o fale o loo totoe ai nei, ma faasolo ane ai i maota o le isi tauaiga o le au Tokuma, ua maitauina, ua tele foi ina uma ona tala vaega o latou maota.
O isi aiga ua faitau vaiaso nei talu ona o ese, o le faitau vaiaso foi lena o foliga faanoanoa o lapisi o loo fola ai e aofia ai atigi taavale ua lē toe ola, o uamea ma atigipa’u taavale, ae o vailepa ua ofaga i ai namu ma isumu, ae o meatuaolo o loo tataaloa i le fanua ma tafāala.
O fanua uma nei e pei ona molimau le Susuga Nanai, ua uma uma lava ona fua fanua ma tuu i ai le tau o fanua nei, e aofia ai o latou fale, ma o latou tau. I le taimi na faatino ai lenei fuaga fanua i le 2008 sa totogi e o latou auaiga le tau o le tamaloa na alu atu e fai tau o latou fale ma eleele.
O na totogi na faia e o latou auaiga, na oo atu i le ta’i 400 tala poo le sili atu foi tupe sa totogi i le vaiaso e ona auaiga.
Peitai e oo mai nei e lē o mautinoa pe malamalama foi aiga nei, poo ai tonu lava le tagata lea na latou totogi i ai tupe i le vaiaso e pei ona latou ta’ua.
O isi fale e silia i le 80afe tala lo latou tau poo le 75 afe tala foi, fua lava i le fale. O loo teu pea e ona tauaiga lisiti o tupe sa o latou totogi i le tagata na faia tau o fale ma fanua talu mai le 2008.
O le aso foi lea na valaau ai le mataupu a le tina ia Aiga i le faamasinoga maualuga. Ua molia i le faalavelave i galuega a leoleo, peitai ua toe tolo atu ia Oketopa. Ae oo mai lava i le afiafi o le Aso Gafua, o loo tautau pea fu’a ma faailoilo a le SSIG, i pou moli, o fata i tafāala ma lalo o laau, e ta’u atu ai i le malo, lo latou tetee i le fuafuaga e tuliesea ai tauaiga o le au Tokuma ma laueleele i Sogi.
[/et_pb_text][/et_pb_column][/et_pb_row][/et_pb_section]
