Laasia 9 tausaga o le tautua a le APBS Pty Ltd i Brisbane

O le tele o tatou tagata Samoa o loo faatuputupulaia pea le saili malo e lē gata o taaloga, pisinisi, galuega, ekalesia i le galuega a le Atua ma le tele o matata eseese e lē gata foi e fesoasoani ai i aiga, ekalesia, nuu ma le atunuu foi.
O le susuga ia Lealaifola Lui (Satapuala) ma le tausi ia Leigh Leutu Savelino (Safaatoa & Letogo), o ni tagata ua lauiloa foi i Brisbane i le la pisinisi o le A.B.P.S. Pty Ltd i le fausiaina lea o pa e siomia ai maota ma laoa poo fale, faapea soo se vaega e pei foi ona malaga atu ai i Samoa ma fausia lava le maa o si o latou tuaa i le mamanu lava na resitala mai o le Top Fencing & Fabrication i le 2004 ma amata ai ona trade i le igoa lena i le masina i le 2004.
Na toe suia mai le igoa o le kamupani i le A.B.P.S. Pty Ltd (Aluminium Balustrading & Privacy Screens Pty Ltd i le 2009 ae o loo tumau pea le trading i le Top Fencing.
O lona uiga o lea ua atoa le 9 tausaga i le tausaga lenei 2013, ma e ao ai pea ona viia le Atua.
Na malaga faapitoa lava le alii pule ia Lealaifola Lui ma le tausi ia Leigh i Samoa ona o le faamoemoe o si o latou tuaa i Satapuala lea na matuai ofo ai nisi o le alalafaga i lea foi suiga fou na fausia ai le maa o si o latou tamā.