Laa atu Mr Gago i le CD Vol 4

O le atina‘eina o le taleni o le musika, o se tasi lea o tulaga ua maitauina pea le alualu i luma o le taumafai ma le sogasoga o alo ma fanau aemaise foi o le toatele o tamalii ma tausala o si o tatou atunuu ua fai le musika ma o latou faiva alofilima.

Ma o lenei vaitau ma le tele o tulaga oloo faapea ona tatou faamanatuina, oloo faapea foi ona le tuuina ifo ai lava i lalo le tele o fatuga faaonapo nei ua faapea ona lagiina ma maketiina i taumafaiga a le mamalu o si o tatou atunuu.

O la a le faisalamo o se lava ua fiafia ina pese ia. A e ua avea foi lenei taleni o le musika poo le pese ma tulaga e faaleo ai ma lagiina ai lagona aemaise o se feau tāua oloo momoli mai e se fatuga.

O lea foi le faamoemoe maualuga i le susuga ia Fa‘au Gago, poo Mr Gago e pei ona lauiloa ai i ana fatuga ma musika faaonapo nei, ua faapea ai ona a‘e se finagalo i le taumafaiga foi a lea tamalii o si o tatou atunuu e faalauiloa le Vaega lona 4 (Volume 4) o lana CD ua faaigoaina lea “E Lou Aulelei….”

Ua iai le faamoemoe o le susuga ia Mr Gago ina ia faataunuuina lea fuafuaga mo le faalauiloaina o lana CD i le Aso Toonai nei 16 Iuni i le fale faafiafia o le Paradise i Otara ma le Aso Toonai 23 Iuni i le fale faafiafia o le Fiafia Night Club i New Lynn.